VIDEO: ખર્ચ ઓછો, સંતોષ વધારે! શહેરની ભાગદોડ છોડી ગામડામાં વસી ગયું આ કપલ
છેલ્લું અપડેટ : 04 Oct 2026
દિલ્હી-NCRમાં રહેતા લોકો માટે રોજનો ટ્રાફિક, પ્રદૂષણ અને કામનું ટેન્શન હવે જીવનનો ભાગ બની ચૂક્યું છે. આ જ કારણ છે કે જ્યારે પણ રજા મળે છે, લોકો થોડા દિવસો માટે પહાડો તરફ વળે છે. ઠંડી હવા, હરિયાળી અને શાંત માહોલ થોડા સમય માટે શહેરની ભાગદોડથી દૂર કરી દે છે. પણ જરા વિચારો, જો આ જ સુકૂન થોડા દિવસોની રજાને બદલે તમારૂ રોજનું જીવન બની જાય તો કેવું લાગશે?
ગુરુગ્રામમાં રહેતા દિવ્યા ભટ્ટ અને સૌરભે કંઈક આવો જ નિર્ણય લીધો. બંનેએ શહેરના ભાગદોડ ભરેલા જીવનનને પાછળ છોડી અને હિમાલયના એક ગામમાં જઈને રહેવા લાગ્યા. હવે તેમનું રોજિંદું જીવન ટ્રાફિક અને ભીડ વચ્ચે નહીં, પરંતુ પહાડો, હરિયાળી અને પ્રકૃતિની નજીક વીતી રહ્યું છે. બંને સોશિયલ મીડિયા પર પહાડોની આ નવા જીવન સાથે જોડાયેલા અનુભવો પણ શેર કરતા રહે છે.
શહેર છોડીને પહાડોમાં કેમ વસી ગયું આ કપલ?
તાજેતરમાં દિવ્યાએ એક વીડિયોમાં જણાવ્યું કે પહાડોમાં રહેવા દરમિયાન તેને કઈ-કઈ એવી બાબતો અનુભવાઈ, જે શહેરના જીવન કરતાં બિલકુલ અલગ છે. દિવ્યાના જણાવ્યા મુજબ, પહાડોના જીવનનો સૌથી ખાસ હિસ્સો અહીંનું હવામાન અને બદલાતો કુદરતી નજારો છે. અહીં ઋતુ બદલાવાની સાથે આસપાસનો માહોલ પણ બદલાતો રહે છે. વસંત આવતાં જ ફૂલોથી પહાડો રંગબેરંગી દેખાવા લાગે છે, જ્યારે વરસાદની ઋતુમાં ચારેય તરફ હરિયાળી છવાઈ જાય છે. ઉનાળામાં પણ શહેરોની સરખામણીએ હવામાન ખૂબ જ આરામદાયક અનુભવાય છે. એટલે કે અહીં હવામાન માત્ર તાપમાન બદલાવાનું નામ નથી, પરંતુ રોજ થતો એક નવો અનુભવ છે.
દિવ્યાએ પહાડોમાં રહેવાના બીજા ફાયદા તરીકે મનોરંજનનો ઉલ્લેખ કર્યો. તેમનું કહેવું છે કે શહેરમાં થોડો સમય વિતાવવા માટે અવારનવાર કેફે, મોલ કે અન્ય કોઈ જગ્યાએ જવું પડે છે અને તેના માટે પૈસા પણ ખર્ચાય છે. જ્યારે પહાડોમાં પ્રકૃતિ જ તમારું મનોરંજન બની જાય છે. ક્યારેક ઘાસના મેદાનમાં પિકનિક, ક્યારેક કોઈ કુદરતી તળાવ સુધી જવું તો ક્યારેક ધોધ સુધી ટ્રેકિંગ કરવું, આ બધું તેમની સામાન્ય દિનચર્યાનો ભાગ બની ગયું છે.
કપલનું કહેવું છે કે પહાડોમાં શિફ્ટ થયા પછી તેમના ખર્ચ કરવાની રીત પણ બદલાઈ છે. બહાર આવવા-જવા અને ખાવા-પીવા પર પહેલાના સરખામણીએ ઓછો ખર્ચ થાય છે. બંને ઘરે જ જમવાનું બનાવવાનું વધારે પસંદ કરે છે. સાથે જ શહેરમાં દરેક ક્ષણ કંઈક નવું ખરીદવાની કે બહાર જઈને સમય વિતાવવાની જે આદત હોય છે, તે પણ ઘણી ઓછી થઈ ગઈ છે.
પહાડોના જીવનથી તેના રોજની દિનચર્યા પર પણ અસર પડી છે. હવે તે ઘરની બહાર વધુ સમય વિતાવે છે, પગપાળા ચાલે છે અને સ્થાનિક તાજી પેદાશનો ઉપયોગ કરે છે. તે કેટલીક શાકભાજી જાતે પણ વાવે છે. જોકે, દિવ્યાએ વીડિયોમાં AQI અને સ્થાનિક પરિસ્થિતિઓ સાથે જોડાયેલા જે આંકડા બતાવ્યા છે, તે તેના અંગત અનુભવો છે અને દરેક પહાડી વિસ્તારમાં સ્થિતિ એકસરખી નથી હોતી. દિવ્યાના મતે, પહાડોમાં રહેવાનો સૌથી મોટો ફાયદો તેમના સંબંધોને થયો છે.
