શું તમે જાણો છો? લિફ્ટની શોધ કોણે અને ક્યારે કરી, પહેલીવાર ક્યા શહેરમાં થઈ હતી શરૂ

દુનિયાભરમાં ઘણી ઊંચી બિલ્ડીંગ બનાવવામાં આવી છે. આ તમામ બિલ્ડીંગમાં ઉપરના માળે પહોંચવા માટે લિફ્ટ હોય છે, કારણ કે લિફ્ટ વિના વ્યક્તિને પગથીયા ચડવામાં ઘણો સમય અને મહેનત લાગે છે. પરંતુ સવાલ એ છે કે આ લિફ્ટની શોધ કોણે કરી અને તેને સૌપ્રથમ ક્યારે બનાવવામાં આવી?

ઊંચી બિલ્ડીંગમાં તમે એક બટન દબાવો અને થોડી જ મિનિટોમાં તમે ઉપરના માળેથી ગ્રાઉન્ડ ફ્લોર પર અથવા ગ્રાઉન્ડ ફ્લોરથી ટોપ ફ્લોર પર પહોંચી જાવ છો. આ માટે તમારે પગથીયા ચડવાની જરૂર નથી. દરેક વ્યક્તિ જાણે છે કે લિફ્ટ વિના 10 માળ ચડવા કેટલા મુશ્કેલ છે. તમને જણાવી દઈએ કે લિફ્ટ અથવા એલિવેટર એક વાહન અથવા સુવિધા છે જે બહુમાળી ઈમારતોમાં લોકોને અને સામાનને ઉપર અને નીચે લઈ જવામાં મદદ કરે છે. આ સિવાય આધુનિક લિફ્ટ હવે વીજળીથી ચાલે છે. જેમાં કેબલ અને પુલી વડે વજન સંભાળવામાં આવે છે. મળતી માહિતી મુજબ, લિફ્ટની શોધ કોઈ એક વ્યક્તિએ એક દિવસમાં નથી કરી. જે લિફ્ટનો આપણે ઉપયોગ કરીએ છીએ તેને ધીરે ધીરે વિકસાવવામાં આવી છે.

પહેલા કેવી રીતે કામ કરતી હતી લિફ્ટ?

તમને જણાવી દઈએ કે લિફ્ટ ગરગડી દ્વારા ચલાવવામાં આવે છે. પહેલાના જમાનામાં ગરગડી ખેંચવાનું કે ચલાવવાનું કામ માણસ, પ્રાણી કે જળશક્તિ દ્વારા થતું હતું. પરંતુ 1800ની આસપાસ તે વરાળની શક્તિથી ચલાવવામાં આવી. આ પછી, 19મી સદીની શરૂઆતમાં હાઇડ્રોલિક લિફ્ટ્સનો ઉપયોગ થવા લાગ્યો. આનો ઉપયોગ માત્ર સામાન વહન કરવા માટે થતો હતો. કારણ કે તે લોકોને લઈ જવા માટે બહુ ભરોસાપાત્ર માનવામાં આવતું ન હતું.

પ્રથમ લિફ્ટ

જાણકારી અનુસાર, 1852માં એલિશા ગ્રેવ્સ ઓટિસે લિફ્ટમાં સેફ્ટી ડિવાઇસ લગાવ્યા હતા. આ રીતે લિફ્ટ દ્વારા માણસોને ઉપર અને નીચે લઈ જવાનું કામ શરૂ કરવામાં આવ્યું હતું. તમને જણાવી દઈએ કે આધુનિક લિફ્ટની શોધ સૌ પ્રથમ અમેરિકન ઉદ્યોગપતિ એલિશા ઓટિસ દ્વારા કરવામાં આવી હતી. હવે ઓટિસ નામની કંપની વિશ્વની સૌથી મોટી લિફ્ટ ઉત્પાદક અને એસેમ્બલિંગ કંપની છે.

આ ઉપરાંત, પ્રથમ પેસેન્જર એલિવેટર (લિફ્ટ) 1857માં ન્યૂયોર્ક સિટીમાં હવાઉટ ડિપાર્ટમેન્ટલ સ્ટોરમાં શરૂ કરવામાં આવી હતી. જોકે તે સમયે તે વરાળ પર ચાલતી હતી. તે એક મિનિટ કરતાં પણ ઓછા સમયમાં 5 માળ ઉપર પહોંચી જતી હતી. તે પછી, આગામી ત્રણ દાયકાઓ સુધી આ લિફ્ટમાં ફેરફાર કરવામાં આવ્યા. આ પછી, લિફ્ટમાં સૌથી મહત્ત્વપૂર્ણ ફેરફાર 1889માં શરૂ થયો, જ્યારે તેમાં પુશ બટનોનો ઉપયોગ થવા લાગ્યો.