VIDEO: ચાલતી બસમાંથી મહિલા નીચે પડી, જોખમી છે આવી રીતે મુસાફરી કરવી

તમિલનાડુમાં બસ અકસ્માતનો વીડિયો સોશિયલ મીડિયા પર વાયરલ થઈ રહ્યો છે. આ વીડિયો જોયા બાદ લોકો આશ્ચર્યમાં પડી ગયા છે. વીડિયોમાં એક મહિલા બસમાંથી નીચે પડી, જ્યારે મહિલા નીચે પડી ત્યારે બસ ખૂબ જ સ્પીડમાં હતી. તેને નીચે પડતા જોઈને અન્ય મુસાફરો ચોંકી ગયા અને તરત જ બસને રોકવા માટે કહ્યું પરંતુ આટલા મોટા અકસ્માત બાદ પણ ચમત્કાર થયો.

મામલો તમિલનાડુના નમક્કલનો છે, જ્યાં એક મહિલા બસમાં મુસાફરી કરી રહી હતી. જે સીસીટીવી વીડિયો સામે આવ્યો છે તેમાં જોવા મળી રહ્યું છે કે મહિલા ચાલતી બસના ગેટ પાસે ઉભી છે. મળતી માહિતી મુજબ, તે કપડા ખરીદવા સાલેમ ગઈ હતી અને બસ દ્વારા ઘરે પરત ફરી રહી હતી. અચાનક તેણે તેનું સંતુલન ગુમાવ્યું અને તે સીધી બસમાંથી નીચે પડી ગઈ.

અહેવાલો અનુસાર, જ્યારે બસે અચાનક તેજ વળાંક લીધો, ત્યારે મહિલાએ પોતાનું સંતુલન ગુમાવ્યું અને સીધી બસમાંથી પડી ગઈ. મહિલાને નીચે પડતી જોઈને મુસાફરો ડરી ગયા અને બસ ડ્રાઈવરને જાણ કરી, જેમણે થોડી દૂર જઈને વાહન રોક્યું. જ્યારે ત્યાં હાજર મુસાફરો તરત જ મહિલા પાસે પહોંચ્યા તો તે શ્વાસ લઈ રહી હતી.

વીડિઓ જુઓ

X પર જુઓ

મહિલાને તાત્કાલિક જિલ્લા હોસ્પિટલમાં લઈ જવામાં આવી, જ્યાં તેની સારવાર ચાલી રહી છે. મહિલા ગંભીર રીતે ઘાયલ થઈ હતી. પડી ગયા પછી, તેને ઘણા ફુટ સુધી ધસડાઇ હતી પરંતુ તેનો જીવ બચી ગયો હતો. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે. વીડિયો જોઈને લોકો કહી રહ્યા છે, ‘जाको राखो साईयां मार सके ना कोय’।