IPL 2027માં રમશે કે નહીં CSKનો ભૂતપૂર્વ કેપ્ટન એમએસ ધોની? હવે ખેલાડીએ પોતે આપ્યો જવાબ

IPL 2027માં એમએસ ધોની રમશે કે નહીં, તેનો નિર્ણય હજુ ધોનીએ પોતે નથી કર્યો. ધોની કહે છે કે તે ડિસેમ્બર પહેલા પોતાના ભવિષ્ય અંગે અંતિમ નિર્ણય લેશે. ભૂતપૂર્વ CSK કેપ્ટન પગની ઘૂંટીની ઈજાને કારણે ગઈ સિઝનમાં એક પણ નહતો રમી શક્યો. ત્યારથી, ધોનીની IPLમાંથી નિવૃત્તિ અંગે અટકળો ચાલી રહી છે.

એમએસ ધોની તાજેતરમાં એક હેલ્થકેર ઈવેન્ટ માટે બેંગલુરુ પહોંચ્યો હતો. આ ઈવેન્ટમાં તેને તેના IPL ભવિષ્ય વિશે પૂછવામાં આવ્યું હતું. ધોનીએ કહ્યું કે આગામી સિઝનમાં રમવાનો અંતિમ નિર્ણય લેતા પહેલા તેને ટેસ્ટ કરાવવા પડશે અને પછી પરિણામોની રાહ જોવી પડશે.

પહેલા ટેસ્ટ, રિપોર્ટ અને પછી નિર્ણય

ANI અનુસાર, ધોનીએ કહ્યું, "મારે પહેલા ટેસ્ટ કરાવવા પડશે, ડોકટરોએ મને પરિણામો આપવા પડશે અને ડિસેમ્બર પહેલા નક્કી કરવું પડશે કે હું વધુ એક સિઝન રમવા માટે ફિટ છું કે નહીં."

ઝહીર ખાનને આગામી સિઝન પહેલા ચેન્નાઈ સુપર કિંગ્સના હેડ કોચ તરીકે નિયુક્ત કરવામાં આવ્યો છે. અહેવાલો સૂચવે છે કે ધોનીએ તેની નિમણૂકમાં મહત્ત્વપૂર્ણ ભૂમિકા ભજવી હતી. વધુમાં, ધોની આગામી સિઝનમાં ખેલાડી તરીકે રમે છે કે નહીં, તે ઓક્શન અને આગામી સિઝનની વ્યૂહરચનામાં પણ યોગદાન આપી શકે છે.

ડોક્ટરો ચાર્જમાં છે

એમએસ ધોનીએ જણાવ્યું હતું કે હવે બધું ડોકટરો પર નિર્ભર છે. તેણે કહ્યું, "તમારે (ડોક્ટરોએ) ખાતરી કરવી પડશે કે મારી સાથે બધું બરાબર છે અને મારા જેવી જૂની કાર રસ્તા પર સરળતાથી ચાલે છે. તેથી, ડોકટરો પર દબાણ છે."

બધી ટીમોએ 15 નવેમ્બર સુધીમાં IPL 2027 માટે તેમની રીટેન્શન યાદીઓ જાહેર કરવી પડશે. CSK મેનેજમેન્ટ ધોનીના ફિટનેસ રિપોર્ટ પર પણ નજીકથી નજર રાખશે. ચેન્નાઈ સુપર કિંગ્સના CEO કાસી વિશ્વનાથને જણાવ્યું છે કે તેમણે આગામી સિઝનમાં રમવાનો નિર્ણય ધોનીના હાથમાં છોડી દીધો છે. તેમણે ઉમેર્યું હતું કે આગામી સિઝનમાં રમવાની ધોનીની આશાઓ સંપૂર્ણપણે ખતમ નથી થઈ.