VIDEO: IND vs ZIM / T20 સિરીઝમાં વૈભવ સૂર્યવંશી અને અભિષેક શર્માની નજરમાં હશે આ રેકોર્ડ, ઈતિહાસ રચી શકે છે બંને ખેલાડીઓ
છેલ્લું અપડેટ : 23 Jul 2026
ભારતના યુવા બેટ્સમેન વૈભવ સૂર્યવંશી અને અભિષેક શર્મા પાસે ઝિમ્બાબ્વે સામેની T20 સિરીઝમાં ઈતિહાસ રચવાની તક છે. ઝિમ્બાબ્વે સામેની T20 સિરીઝ આજ (23 જુલાઈ) થી શરૂ થશે. જો અભિષેક અને વૈભવ આ સિરીઝમાં સારું પ્રદર્શન કરે છે, તો ટીમ ઈન્ડિયા જીતની દિશામાં પાછી ફરી શકે છે.
ભારતીય ટીમને આયર્લેન્ડ અને પછી ઈંગ્લેન્ડ સામે T20 સિરીઝમાં હારનો સામનો કરવો પડ્યો હતો. મેન ઈન બ્લુ એક પણ મેચ નહતું જીતી શક્યું. હવે, ભારત ઝિમ્બાબ્વે સામે સિરીઝ જીતવા માટે પ્રયત્નશીલ રહેશે. જો ભારતે સારું પ્રદર્શન કરવું હોય, તો અભિષેક અને વૈભવને સારી શરૂઆત આપવી પડશે. જો બેટ્સમેન સારું પ્રદર્શન કરે છે, તો તેઓ ઝિમ્બાબ્વે સામે ઈતિહાસ રચી શકે છે.
અભિષેક શર્મા પાસે મોટી તક
અભિષેક પાસે ભારત અને ઝિમ્બાબ્વે વચ્ચેની T20 સિરીઝમાં સૌથી વધુ રન બનાવનાર ખેલાડી બનવાની તક છે. તેણે 6 મેચમાં 179 રન બનાવ્યા છે. તેને નંબર વન બનવા માટે 16 રનની જરૂર છે. ભારત-ઝિમ્બાબ્વે T20 સિરીઝમાં સૌથી વધુ રન બનાવવાનો રેકોર્ડ સિકંદર રઝાના નામે છે. તેણે 11 મેચમાં 194 રન બનાવ્યા છે.
ભારત-ઝિમ્બાબ્વે T20 સિરીઝમાં સૌથી વધુ રન બનાવનારા બેટ્સમેન
- સિકંદર રઝા - 194 રન (11 મેચ)
- અભિષેક શર્મા - 179 રન (6 મેચ)
- ચામુ ચિભાબા - 172 રન (7 મેચ)
- શુભમન ગિલ - 170 રન (5 મેચ)
- બ્રાયન બેનેટ - 168 રન (6 મેચ)
શિખર ધવનનો રેકોર્ડ તોડવાની તક
અભિષેક શર્મા પાસે ઝિમ્બાબ્વે સામેની T20 સિરીઝમાં શિખર ધવનનો રેકોર્ડ તોડવાની પણ તક હશે. અભિષેકે અત્યાર સુધી 53 T20 મેચમાં 1618 રન બનાવ્યા છે. ધવને 68 મેચમાં 1759 રન બનાવ્યા છે. જો અભિષેક સિરીઝમાં 142 રન બનાવે છે, તો તે T20 આંતરરાષ્ટ્રીય મેચમાં ભારત માટે સૌથી વધુ રન બનાવનાર ખેલાડી તરીકે ધવનને પાછળ છોડી શકે છે.
વૈભવ સૂર્યવંશીની નજર મોટા રેકોર્ડ પર
આ સિરીઝમાં સૂર્યવંશીની નજર પણ એક મોટો રેકોર્ડ પર હશે. તેની પાસે T20 ક્રિકેટમાં સૌથી ઝડપી 150 છગ્ગા ફટકારવાની તક હશે. સૂર્યવંશીએ અત્યાર સુધી 37 T20 ઈનિંગ્સ રમી છે અને 139 છગ્ગા ફટકાર્યા છે. તેથી, તેની પાસે સિરીઝમાં T20 ક્રિકેટમાં સૌથી ઝડપી 150 છગ્ગા ફટકારવાની તક છે. આ હાંસલ કરવા માટે તેને 11 છગ્ગા મારવાની જરૂર છે. T20 ક્રિકેટમાં સૌથી ઝડપી 150 છગ્ગા મારવાનો રેકોર્ડ યુએઈના મોહમ્મદ વસીમના નામે છે. તેણે 66 ઈનિંગ્સમાં 150 છગ્ગા ફટકાર્યા હતા.
