VIDEO: અભિષેક, ઈશાન અને ક્લાસેનની ત્રિપુટીએ રચ્યો ઈતિહાસ, IPLમાં માત્ર બીજી વખત હાંસલ થઈ આ સિદ્ધિ

IPL 2026ની 67મી મેચમાં સનરાઈઝર્સ હૈદરાબાદ અને રોયલ ચેલેન્જર્સ બેંગલુરુ આમને-સામને હતા. બંને ટીમો પહેલાથી જ પ્લેઓફમાં સ્થાન મેળવી ચૂકી છે અને લીગ સ્ટેજની છેલ્લી મેચ રમી હતી. હૈદરાબાદના રાજીવ ગાંધી સ્ટેડિયમ ખાતે રમાયેલી આ મેચમાં પ્રથમ બેટિંગ કરતા હૈદરાબાદે 20 ઓવરમાં 4 વિકેટ ગુમાવીને 255 રનનો વિશાળ સ્કોર બનાવ્યો હતો. હૈદરાબાદ માટે અભિષેક શર્મા, ઈશાન કિશન અને હેનરિક ક્લાસેન બધાએ શાનદાર અડધી સદી ફટકારી હતી.

આ પણ વાંચો :

VIDEO: IPL 2026માં એક પણ મેચ રમ્યા વિના ધોની યુગનો અંત આવી ગયો? મેચ બાદ ઋતુરાજના જવાબે વધાર્યું સસ્પેન્સ

VIDEO: IPL 2026ની સૌથી ઘાતક ટીમ! જાણો તે કારણો જે ગુજરાત ટાઈટન્સના ફરી ચેમ્પિયન બનવાના આપે છે સંકેત

ઈશાને 46 બોલમાં 79 રન બનાવ્યા, જ્યારે અભિષેકે 22 બોલમાં 56 રન બનાવ્યા અને ક્લાસેનએ 24 બોલમાં 51 રન બનાવ્યા. આ ત્રણ શક્તિશાળી બેટ્સમેનોના શાનદાર પ્રદર્શનને કારણે, SRH એ IPLના ઈતિહાસમાં એક મોટો રેકોર્ડ બનાવ્યો છે.

IPLના ઈતિહાસમાં આ બીજી વખત આવી સિદ્ધિ હાંસલ થઈ

RCB સામેની મેચમાં ઈશાન કિશને 46 બોલમાં 79 રનની ધમાકેદાર ઈનિંગ રમી અને IPL 2026માં તેના 500 રન પૂર્ણ કર્યા. આ સાથે, સનરાઈઝર્સ હૈદરાબાદ IPLના ઈતિહાસમાં ફક્ત બીજી ટીમ બની ગઈ છે જેના ત્રણ બેટ્સમેનોએ એક જ સિઝનમાં 500થી વધુ રન બનાવ્યા છે. ઈશાન પહેલા, અભિષેક શર્મા અને હેનરિક ક્લાસેન પણ આ સિઝનમાં 500 રનનો આંકડો પાર કરી ચૂક્યા છે. હાલમાં, ક્લાસેન 606 રન સાથે હૈદરાબાદ માટે સૌથી વધુ રન બનાવનારા ખેલાડીઓની યાદીમાં ટોપ પર છે. ઈશાન કિશને 569 રન બનાવ્યા છે અને અભિષેક શર્માએ 563 રન બનાવ્યા છે.

આ પણ વાંચો :

VIDEO: હૈદરાબાદના મેદાન પર વિરાટ કોહલી અને ટ્રેવિસ હેડ વચ્ચે થઈ બોલાચાલી, મેચ બાદ હાથ પણ ન મિલાવ્યા

VIDEO: LSG vs PBKS / પ્લેઓફની રેસમાં ટકી રહેવા પંજાબે જીતવી પડશે મેચ, ઘરઆંગણે સન્માન બચાવવા ઉતરશે લખનૌ

IPLના ઈતિહાસમાં આ બીજી વાર છે જ્યારે એક જ સિઝનમાં ટીમના ત્રણ બેટ્સમેનોએ 500થી વધુ રન બનાવ્યા છે. SRH પહેલા ગુજરાત ટાઈટન્સના બેટ્સમેનોએ આ સિદ્ધિ મેળવી હતી. IPL 2025માં સાઈ સુદર્શન, શુભમન ગિલ અને જોસ બટલરે ગુજરાત માટે એક જ સિઝનમાં 500થી વધુ રન બનાવ્યા હતા.

SRHએ પંજાબ કિંગ્સનો રેકોર્ડ તોડ્યો

સનરાઈઝર્સ હૈદરાબાદ દ્વારા રોયલ ચેલેન્જર્સ બેંગલુરુ સામે 200 રનનો આંકડો પાર કરતાની સાથે જ ટીમે IPLના ઈતિહાસમાં એક નવો રેકોર્ડ બનાવ્યો. SRH હવે IPLની એક સિઝનમાં સૌથી વધુ વખત 200 કે તેથી વધુ રન બનાવનારી ટીમ બની ગઈ છે. સનરાઈઝર્સે IPL 2026માં 9 વખત 200+ રન બનાવ્યા છે. અગાઉ, આ રેકોર્ડ પંજાબ કિંગ્સના અને ગુજરાત ટાઈટન્સના નામે હતો, જેણે IPL 2025 સિઝનમાં આઠ વખત 200થી વધુ રન બનાવ્યા હતા.

IPL સિઝનમાં સૌથી વધુ 200+ રન બનાવનારી ટીમો

• 9 – સનરાઈઝર્સ હૈદરાબાદ (2026)*
• 8 – ગુજરાત ટાઈટન્સ (2025)
• 8 – પંજાબ કિંગ્સ (2025)
• 8 – પંજાબ કિંગ્સ (2026)
• 7 – રોયલ ચેલેન્જર્સ બેંગલુરુ (2026)