VIDEO: કોહલી સાથેના વિવાદ વચ્ચે ટ્રેવિસ હેડની ઇન્સ્ટાગ્રામ સ્ટોરીએ જગાવી ચર્ચા, શું કહેવા માંગે છે SRHનો બેટ્સમેન?
છેલ્લું અપડેટ : 23 May 2026
શુક્રવારે સનરાઈઝર્સ હૈદરાબાદ અને રોયલ ચેલેન્જર્સ બેંગલુરુ વચ્ચે IPL 2026 મેચ દરમિયાન વિરાટ કોહલી અને ટ્રેવિસ હેડ વચ્ચે વિવાદ થયો હતો. RCBની બેટિંગ દરમિયાન, કોહલી વારંવાર હેડ તરફ ઈશારો કરીને કંઈક બોલતો હતો. હેડ તે સમયે મૌન રહ્યો, પરંતુ હવે તેની ઇન્સ્ટાગ્રામ સ્ટોરીએ એક નવો વિવાદ ઉભો કર્યો છે.
હૈદરાબાદે પહેલા બેટિંગ કરતા 4 વિકેટ ગુમાવીને 255 રન બનાવ્યા હતા. RCB ચાર વિકેટ ગુમાવ્યા બાદ ફક્ત 200 રન જ બનાવી શક્યું હતું. મેચમાં કોહલીનું બેટ નહતું ચાલ્યું અને તે 15 રનમાં આઉટ થયો હતો.
હેડની ઇન્સ્ટાગ્રામ સ્ટોરી
મેચ પછી, જ્યારે બંને ટીમો હાથ મિલાવી રહી હતી, ત્યારે કોહલીએ હેડનો હાથ નહતો મિલાવ્યો, જેનાથી હેડ આશ્ચર્યચકિત થઈ ગયો હતો. આ માટે સોશિયલ મીડિયા પર કોહલીની ભારે ટીકા થઈ રહી છે. હેડની પોતાની ઇન્સ્ટાગ્રામ સ્ટોરી પરની તાજેતરની પોસ્ટે પરિસ્થિતિને વધુ ગરમ કરી દીધી છે. હેડે પોતાનો ફોટો પોસ્ટ કરીને લખ્યું, "દરેકને અનુમાન લગાવવા દો."
તેની પોસ્ટને કોહલીને જવાબ આપવાના તરીકે જોવામાં આવી રહી છે. જોકે, તે શું કહેવા માંગતો હતો તે સ્પષ્ટ નથી. જ્યારે કોહલી બેટિંગ કરતી વખતે આક્રમકતા અને સ્લેજિંગ બતાવી રહ્યો હતો, ત્યારે હેડ શાંત રહ્યો અને શાંતિથી કોહલીની ક્રિયાઓ જોતો રહ્યો હતો.
કોઈ નવી ઘટના નથી
આ ઘટના કોહલી માટે નવી નથી. તે પહેલા પણ આવી જ ઘટનાઓમાં સામેલ રહ્યો છે. મેદાન પર તેના ઘણી વાર ઝઘડા થયા છે. 2023માં, તેનો ફાસ્ટ બોલર નવીન ઉલ હક સાથે ઝઘડો થયો હતો, જે તે સમયે લખનૌ સુપર જાયન્ટ્સ માટે રમી રહ્યો હતો. આ વિવાદે લોકો ધ્યાન ખેંચ્યું હતું, જેમાં લખનૌ સુપર જાયન્ટ્સનો તે સમયનો મેન્ટર અને હાલમાં ટીમ ઈન્ડિયાનો કોચ ગૌતમ ગંભીર પણ સામેલ હતો.