Team Indiaને એક કલાક માટે હોટલમાં જ કેદ રહેવું પડ્યું, જાણો શા માટે બ્રિટિશ પોલીસે લાદ્યા હતા પ્રતિબંધો
છેલ્લું અપડેટ : 02 Jul 2025
ભારત અને ઇંગ્લેન્ડ વચ્ચે શ્રેણીની બીજી ટેસ્ટ મેચ શરૂ થાય તે પહેલા જ હંગામો મચી ગયો હતો. બ્રિટિશ પોલીસને બર્મિંગહામમાં ભારતીય ક્રિકેટ ટીમની હોટલ નજીક સેન્ટેનરી સ્ક્વેર પર એક શંકાસ્પદ પેકેટ મળ્યું હતું. આ પછી, ટીમ ઇન્ડિયાના ખેલાડીઓની સુરક્ષાને સંભવિત ખતરો માનીને, તેમને હોટલમાં 'કેદ' કરવામાં આવ્યા. બર્મિંગહામ સિટી સેન્ટર પોલીસે ભારતીય ખેલાડીઓને હોટલ છોડવા દેવાનો ઇનકાર કર્યો હતો.
ટીમ ઇન્ડિયાના ખેલાડીઓ હોટલમાં અટવાયેલા રહ્યા
આ કારણે, ઐતિહાસિક એજબેસ્ટન ક્રિકેટ ગ્રાઉન્ડ પર બીજી ટેસ્ટ શરૂ થાય તે પહેલાં ટીમ ઇન્ડિયાના ખેલાડીઓ હોટલમાં અટવાયેલા રહ્યા. જોકે, લગભગ એક કલાક પછી, શંકાસ્પદ પેકેજની તપાસમાં કંઈ ખોટું ન મળતાં બ્રિટિશ પોલીસે સેન્ટેનરી સ્ક્વેર વિસ્તાર ખોલી નાખ્યો અને ટીમ ઇન્ડિયાના ખેલાડીઓને પણ હોટલ છોડવાની મંજૂરી આપવામાં આવી.
ટીમ ઈન્ડિયાને પણ હોટેલ છોડવા પર પ્રતિબંધ મૂકવામાં આવ્યો
એક અહેવાલ મુજબ, લગભગ એક કલાક સુધી તપાસ કર્યા પછી, બર્મિંગહામ પોલીસે કહ્યું કે શંકાસ્પદ પેકેટથી કોઈ ખતરો નથી અને સેન્ટેનરી સ્ક્વેર વિસ્તારમાં સુરક્ષા ઘેરો ખોલી નાખ્યો. આ પછી, ટીમ ઈન્ડિયાના ખેલાડીઓને પણ બહાર જવાની મંજૂરી આપવામાં આવી હતી. જોકે, સૂત્રનું કહેવું છે કે હાલમાં ખેલાડીઓને વધુ બહાર ન જવાની સલાહ આપવામાં આવી છે.
