IND U19 vs AUS U19 / તન્મય બલોદાના સ્પિનમાં ફસાઈ ગયું ઓસ્ટ્રેલિયા, ભારતીય ટીમે બીજી મેચ જીતી સિરીઝ પોતાના નામે કરી
છેલ્લું અપડેટ : 07 Oct 2026
ઓલરાઉન્ડર તન્મય બલોદાની શાનદાર બોલિંગને કારણે ભારત અંડર-19એ બીજી અનઓફિશિયલ ટેસ્ટ મેચમાં ઓસ્ટ્રેલિયા અંડર-19ને 10 વિકેટથી હરાવ્યું. ભારતીય ટીમે પહેલી મેચ પણ જીતી હતી અને આ સાથે ભારત અંડર-19 ટીમે બે મેચની સિરીઝ પણ જીતી લીધી છે. બીજી મેચમાં, હરિયાણાના તન્મયની સ્પિન ઓસ્ટ્રેલિયન બેટ્સમેનોને સમજમાં નહતી આવી રહી.
તેણે મેચમાં કુલ 14 વિકેટ લીધી, જેના કારણે ભારતીય ટીમને સરળ જીત મળી. ઓસ્ટ્રેલિયાએ ભારતીય ટીમને જીતવા માટે માત્ર 11 રનનો ટાર્ગેટ આપ્યો હતો. ભારતીય ટીમે વિકેટ ગુમાવ્યા વિના આ ટાર્ગેટ સરળતાથી ચેઝ કરી લીધો અને મેચ જીતી લીધી. વિકેટકીપર-બેટ્સમેન અભિપ્રાય બિશ્વાસ ભારત માટે હીરો રહ્યા, જેના કારણે ટીમ ઈન્ડિયાને પ્રથમ ઈનિંગમાં ઓસ્ટ્રેલિયા પર 141 રનની લીડ મેળવવામાં મદદ મળી.
તન્મય બલોડાએ ખાસ સિક્સ ફટકારી
ટોસ હારીને પહેલા બેટિંગ કરવાનો નિર્ણય લેતા ઓસ્ટ્રેલિયન ટીમ પ્રથમ નિંગમાં જ પડી ભાંગી. તન્મય બલોદાની બોલિંગ સામે કાંગારૂ બેટ્સમેન લાંબા સમય સુધી ન ટકી શક્યા. ઓસ્ટ્રેલિયા તરફથી પ્રથમ ઈનિંગમાં ચાર્લી હેન્ડરસનએ સૌથી વધુ 37 રન બનાવ્યા. આખી ટીમ ફક્ત 174 રનમાં ઓલઆઉટ થઈ ગઈ. તન્મયે 25 ઓવરમાં ફક્ત 32 રન આપીને છ વિકેટ ઝડપી.
ભારતીય ટીમે પ્રથમ ઈનિંગમાં મોટી લીડ મેળવી
ઓસ્ટ્રેલિયાના 174 રનના જવાબમાં, ટીમ ઈન્ડિયાએ પ્રથમ ઈનિંગમાં જ મોટી લીડ મેળવી. ભારતીય ટીમે કાંગારૂઓ પર 141 રનની લીડ મેળવીને 315 રન બનાવ્યા. ભારત તરફથી કેપ્ટન યશવર્ધન ચૌહાણ (52) અને અભિપ્રાય બિશ્વાસ (73) એ અડધી સદી ફટકારી. આ બંનેના કારણે ભારતીય ટીમ પ્રથમ ઈનિંગમાં 315 રન સુધી પહોંચી ગઈ.
બીજી ઈનિંગમાં તન્મયએ ભારે તબાહી મચાવી
જ્યારે ઓસ્ટ્રેલિયન ટીમ બીજી ઈનિંગમાં બેટિંગ કરવા ઉતરી ત્યારે તેની ઉપર 141 રનની લીડ હતી. મુલાકાતી ટીમને પહેલા લીડ ખતમ કરવાની અને પછી ભારતીય ટીમ પર લીડ મેળવવાની જરૂર હતી. જોકે, તન્મય ફરી એકવાર બચાવમાં આવ્યો. તેણે 19.5 ઓવરમાં 41 રન આપીને 8 વિકેટ લીધી. આખી ઓસ્ટ્રેલિયન ટીમ 151 રનમાં ઓલઆઉટ થઈ ગઈ, જેના કારણે ભારતને 10 રનનો ટાર્ગેટ મળ્યો, જે તેણે કોઈપણ વિકેટ ગુમાવ્ય વિના ચેઝ કરી લીધો.
