VIDEO / ઓસ્ટ્રેલિયાની સંસદમાં રોહિત શર્માએ આપ્યું ભાષણ, જુઓ ભારતીય કેપ્ટને શું કહ્યું
બોર્ડર-ગાવસ્કર ટ્રોફીની પ્રથમ ટેસ્ટ જીત્યા બાદ ટીમ ઈન્ડિયા હવે ભારે ઉત્સાહ સાથે કેનબેરા પહોંચી છે, જ્યાં
બોર્ડર-ગાવસ્કર ટ્રોફીની પ્રથમ ટેસ્ટ જીત્યા બાદ ટીમ ઈન્ડિયા હવે ભારે ઉત્સાહ સાથે કેનબેરા પહોંચી છે, જ્યાં તેને 6 ડિસેમ્બરથી શરૂ થનારી બીજી ટેસ્ટ પહેલા 2 દિવસીય પિંક બોલની પ્રેક્ટિસ મેચ રમવાની છે. ઓસ્ટ્રેલિયાની પ્રાઈમ મિનિસ્ટર ઈલેવન ટીમ સામેની આ પ્રેક્ટિસ મેચ ભારત માટે પિંક બોલ ટેસ્ટની તૈયારી કરવાની શાનદાર તક છે. અગાઉ, કેપ્ટન રોહિત શર્માની આગેવાની હેઠળની ટીમ ઈન્ડિયા વડાપ્રધાન એન્થોની અલ્બેનીઝને પણ મળી હતી, જેમણે ટીમ ઈન્ડિયા માટે સ્વાગત સમારોહનું આયોજન કર્યું હતું.
આ પણ વાંચો: ભારત કરી શકે છે ચેમ્પિયન્સ ટ્રોફીની યજમાની, પાકિસ્તાનમાં રાજકીય સંકટ વચ્ચે ICC લેશે નિર્ણય
ભારતે 30 નવેમ્બર એટલે કે શનિવારથી મનુકા ઓવલ ખાતે પ્રેક્ટિસ મેચ રમવાની છે. પાંચ મેચની બોર્ડર-ગાવસ્કર ટ્રોફીની પ્રથમ ટેસ્ટમાં ટીમ ઈન્ડિયાએ 295 રનથી જીત મેળવી હતી. ઓસ્ટ્રેલિયાની ધરતી પર રનના મામલે ટીમની આ સૌથી મોટી જીત છે.
વડાપ્રધાન સાથેની મુલાકાત દરમિયાન, કેપ્ટન રોહિત શર્માએ પ્રોટોકોલનું પાલન કર્યું અને તમામ સાથીદારોનો તેમની સાથે પરિચય કરાવ્યો હતો. આ દરમિયાન અલ્બેનીઝે જસપ્રિત બુમરાહ અને વિરાટ કોહલીના વખાણ કર્યા, જેઓ પર્થ ટેસ્ટમાં ટીમની જીતના હીરો હતા.
ઓસ્ટ્રેલિયાની સંસદમાં બેઠક બાદ વડાપ્રધાને 'X' પર લખ્યું, 'આ અઠવાડિયે પ્રાઈમ મિનિસ્ટર ઈલેવનને મનુકા ઓવલમાં ટીમ ઈન્ડિયા સામે મોટા પડકારનો સામનો કરવો પડશે. પરંતુ મેં વડાપ્રધાન નરેન્દ્ર મોદીને કહ્યું છે તેમ હું ઓસ્ટ્રેલિયાને સમર્થન આપીશ.'
રોહિતે શું કહ્યું?
રોહિતે ઓસ્ટ્રેલિયાની સંસદને પણ સંબોધિત કરી હતી. તેના ભાષણમાં તેણે ભારત અને ઓસ્ટ્રેલિયા વચ્ચેના દ્વિપક્ષીય સંબંધોના સમૃદ્ધ ઈતિહાસ વિશે વાત કરી, જેમાં ક્રિકેટ પ્રત્યેના તેમના સહિયારા પ્રેમનો પણ સમાવેશ થાય છે. તેણે એમ પણ કહ્યું કે ભારતીય ખેલાડીઓને ઓસ્ટ્રેલિયામાં રમવાનો પડકાર ગમે છે અને તેઓ દેશ અને તેની સંસ્કૃતિને જાણવાનો આનંદ માણે છે.
ભારતે ઓસ્ટ્રેલિયામાં સતત બે ટેસ્ટ સિરીઝ જીતી છે અને રોહિતે કહ્યું કે ટીમ આ સફળતાને આગળ વધારવા અને ઓસ્ટ્રેલિયન અને ભારતીય ફેન્સનું મનોરંજન કરવા માંગે છે. અલ્બેનીઝ, ગયા વર્ષે ભારતની મુલાકાત દરમિયાન વડાપ્રધાન નરેન્દ્ર મોદી સાથે, અમદાવાદમાં ટેસ્ટ મેચ દરમિયાન બંને ટીમના ખેલાડીઓને મળ્યા હતા.
