VIDEO / રોહિત શર્માએ પીચ પર બેસીને ખાધી માટી, ફેન્સને આવી સચિનની યાદ
બાર્બાડોસના કેન્સિંગ્ટન ઓવલ મેદાને 29મી જૂન 2024થી દરેક ભારતીયના હૃદયમાં વિશેષ સ્થાન બનાવ્યું છે. આ સ્ટેડિય
બાર્બાડોસના કેન્સિંગ્ટન ઓવલ મેદાને 29મી જૂન 2024થી દરેક ભારતીયના હૃદયમાં વિશેષ સ્થાન બનાવ્યું છે. આ સ્ટેડિયમમાં સાઉથ આફ્રિકા સામે T20 વર્લ્ડ કપ 2024ની ફાઈનલ મેચ રોહિત શર્માની કેપ્ટન્સીમાં 7 રનથી જીતીને ટીમ ઈન્ડિયાએ ICC ટ્રોફી જીતવાના 11 વર્ષના લાંબા દુષ્કાળનો પણ અંત લાવી દીધો હતો. આ જીત બાદ જ્યારે રોહિત શર્માએ T20 ઈન્ટરનેશનલમાંથી નિવૃત્તિની જાહેરાત કરી ત્યારે તે ખૂબ જ ભાવુક પણ દેખાયો જેમાં જીતની ખુશીને કારણે તેની આંખોમાં આંસુ સ્પષ્ટ દેખાઈ રહ્યાં હતાં. હવે રોહિતનો એક વીડિયો પણ સામે આવ્યો છે જેમાં તે બાર્બાડોસની પીચને નમન કરી રહ્યો છે.
આ રીતે વ્યક્ત કરી પોતાની લાગણી
સાઉથ આફ્રિકા સામેની ફાઈનલ મેચમાં જીત બાદ ICC દ્વારા રોહિત શર્માનો એક ખાસ વીડિયો સોશિયલ મીડિયા પ્લેટફોર્મ પર પોસ્ટ કરવામાં આવ્યો છે. આમાં રોહિત ખૂબ જ ભાવુક જોવા મળી રહ્યો છે, તેની ભાવનાઓ પણ સ્પષ્ટ દેખાઈ રહી છે. વીડિયોમાં જોઈ શકાય છે કે રોહિત બાર્બાડોસ સ્ટેડિયમની પીચની માટી ખાઈ રહ્યો છે. આ વિડીયો જોયા પછી રોહિતની લાગણીઓની કલ્પના પણ કરી શકાય છે. આ મેચમાં ભલે રોહિત બેટથી કંઈ ખાસ કરી શક્યો ન હતો, પરંતુ તેણે કેપ્ટનશિપના મામલે પોતાને સંપૂર્ણ રીતે સાચો સાબિત કર્યો છે.
રોહિતને જોઈને બધાને સચિન યાદ આવી ગયો
રોહિત શર્માનો આ વીડિયો જોયા બાદ તમામ ભારતીય ફેન્સને સચિન તેંડુલકરની ઈન્ટરનેશનલ ક્રિકેટમાંથી નિવૃત્તિ યાદ આવી ગઈ હતી જ્યારે તેણે વેસ્ટ ઈન્ડિઝ સામે મુંબઈના વાનખેડે સ્ટેડિયમમાં તેની કારકિર્દીની છેલ્લી મેચ રમી હતી અને આ મેચ પૂરી થયા બાદ તે પીચ પર ગયો હતો અને નમન કર્યું હતું. તમને જણાવી દઈએ કે રોહિતની સાથે વિરાટ કોહલીએ પણ ફાઈનલ મેચ બાદ T20 ઈન્ટરનેશનલમાંથી નિવૃત્તિની જાહેરાત કરી છે.
