PBKS vs MI / આજે પંજાબ કિંગ્સ અને મુંબઈ ઈન્ડિયન્સ વચ્ચે ટક્કર, આવી હોઈ શકે છે બંને ટીમોની પ્લેઈંગ ઈલેવન

IPLમાં આજે પંજાબ કિંગ્સ અને મુંબઈ ઈન્ડિયન્સની ટીમો ટકરાશે. બંને ટીમો ચંદીગઢના મહારાજા યાદવેન્દ્ર સિંહ ઈન્ટરનેશનલ ક્રિકેટ સ્ટેડિયમમાં ટકરાશે. મેચ ભારતીય સમય અનુસાર સાંજે 7.30 વાગ્યે શરૂ થશે. હાર્દિક પંડ્યાની આગેવાની હેઠળની મુંબઈ ઈન્ડિયન્સ સિવાય પંજાબ કિંગ્સ માટે આ મેચ ખૂબ જ મ્હત્ત્ત્વપૂર્ણ છે. બંને ટીમો મેચ જીતીને પોતાની પ્લેઓફની આશા જીવંત રાખવા માંગશે. જો કે, 6 મેચ બાદ બંને ટીમોના 4-4 પોઈન્ટ છે, પરંતુ વધુ સારા નેટ રન રેટને કારણે પંજાબ કિંગ્સ આઠમા સ્થાને છે જ્યારે મુંબઈ ઈન્ડિયન્સ નવમા સ્થાને છે. ચાલો જાણીએ આ મહત્ત્વની મેચ માટે બંને ટીમોની પ્લેઈંગ ઈલેવન કેવી હશે?

આ ખેલાડીઓ સાથે હાર્દિક પંડ્યાની ટીમ મેદાનમાં ઉતરી શકે છે

મુંબઈ ઈન્ડિયન્સને ચેન્નાઈ સુપર કિંગ્સ સામે હારનો સામનો કરવો પડ્યો હતો. તેમ છતાં હાર્દિક પંડ્યાની ટીમમાં કોઈ ફેરફારની શક્યતા નથી. રોહિત શર્મા અને ઈશાન કિશન ઓપનીંગ કરશે. આ સિવાય સૂર્યકુમાર યાદવ, તિલક વર્મા, હાર્દિક પંડ્યા, ટિમ ડેવિડ અને રોમારિયો શેફર્ડ જેવા બેટ્સમેન પ્લેઈંગ ઈલેવનમાં સ્થાન મેળવી શકે છે. જ્યારે જસપ્રીત બુમરાહ સિવાય બોલિંગની જવાબદારી શ્રેયસ ગોપાલ, આકાશ મધવાલ અને ગેરાલ્ડ કોએત્ઝી પર રહેશે.

મુંબઈ ઈન્ડિયન્સની સંભવિત પ્લેઈંગ ઈલેવન

રોહિત શર્મા, તિલક વર્મા, હાર્દિક પંડ્યા (કેપ્ટન), ઈશાન કિશન (વિકેટકીપર), મોહમ્મદ નબી, રોમારિયો શેફર્ડ, ટિમ ડેવિડ, શ્રેયસ ગોપાલ, જસપ્રિત બુમરાહ, આકાશ મધવાલ અને ગેરાલ્ડ કોએત્ઝી.

સેમ કરન બનશે પંજાબ કિંગ્સનો કેપ્ટન?

કેપ્ટન શિખર ધવન પંજાબ કિંગ્સ તરફથી રમશે કે નહીં તે નિશ્ચિત નથી. આવી સ્થિતિમાં જોની બેરસ્ટો સાથે અથર્વ ટાયડે ઓપનીંગ કરી શકે છે. આ સિવાય લિયામ લિવિંગસ્ટોન, સેમ કરન, પ્રભસિમરન સિંહ, જીતેશ શર્મા અને શશાંક સિંહ જેવા બેટ્સમેન પ્લેઈંગ ઈલેવનમાં સ્થાન મેળવી શકે છે. તે જ સમયે, શિખર ધવનની ગેરહાજરીમાં, ફરી એકવાર સેમ કરન પંજાબ કિંગ્સની કેપ્ટનશીપ કરતો જોવા મળી શકે છે.

પંજાબ કિંગ્સની સંભવિત પ્લેઈંગ ઈલેવન

જોની બેરસ્ટો, અથર્વ ટાયડે, લિયામ લિવિંગસ્ટોન, સેમ કરન (કેપ્ટન), પ્રભસિમરન સિંહ, જીતેશ શર્મા (વિકેટકીપર), હર્ષલ પટેલ, અર્શદીપ સિંહ, શશાંક સિંહ, હરપ્રીત બ્રાર અને કગીસો રબાડા.