VIDEO: FIFA વર્લ્ડ કપ 2026માં સર્જાયો મોટો અપસેટ, પેરાગ્વેએ જર્મનીને પેનલ્ટી શૂટઆઉટમાં હરાવી ટુર્નામેન્ટની બહાર કર્યું

ફિફા વિશ્વ કપ 2026 (FIFA World Cup 2026) ના રાઉન્ડ ઓફ 32માં ફૂટબોલ જગતનો સૌથી મોટો અપસેટ જોવા મળ્યો છે. મંગળવારે બોસ્ટન સ્ટેડિયમ ખાતે રમાયેલા હાઈ-વોલ્ટેજ મુકાબલામાં પેરાગ્વેએ 4 વખતની વર્લ્ડ ચેમ્પિયન જર્મનીને પેનલ્ટી શૂટઆઉટમાં 4-3થી હરાવીને ટુર્નામેન્ટમાંથી બહાર ફેંકી દીધું છે. નિર્ધારિત સમય સુધી બંને ટીમો 1-1ની બરાબરી પર રહી હતી. જેના કારણે મેચનો ફેંસલો પેનલ્ટી શૂટઆઉટ દ્વારા કરવામાં આવ્યો હતો. ફિફા વર્લ્ડ કપના ઈતિહાસમાં જર્મનીની ટીમ આ અગાઉ ક્યારેય પણ પેનલ્ટી શૂટઆઉટમાં નહતી હારી, પરંતુ પેરાગ્વેએ આ અજેય રેકોર્ડ તોડીને રાઉન્ડ ઓફ 16માં જગ્યા બનાવી લીધી છે.

આ પણ વાંચો :

ઈન્ટરનેશનલ ક્રિકેટમાંથી નિવૃત્તિની જાહેરાત કર્યા બાદ છલકાયું બેન સ્ટોક્સનું દર્દ, કહ્યું- 'હું માનસિક રીતે થાકી...'

FIFA વર્લ્ડ કપ 2026માં મોટો વિવાદ, આ ટીમના કેપ્ટન પર લાગ્યો દુષ્કર્મનો આરોપ

મેચ દરમિયાન બંને ટીમો વચ્ચે કાંટાની ટક્કર

આ પણ વાંચો :

IND vs ENG / બદલાઈ ગયો ભારત અને ઈંગ્લેન્ડ વચ્ચેની પહેલી T20Iનો સમય, જાણો કેટલા વાગ્યે શરૂ થશે મેચ

T20 વર્લ્ડ કપમાંથી બહાર થતા જ એશિયન ગેમ્સ 2026 માટે જાહેર થઈ ભારતીય ટીમ, હરમનપ્રીત સંભાળશે કમાન

મેચની શરૂઆતથી જ બંને ટીમોએ આક્રમક રમત રમી હતી. મેચની 42મી મિનિટે જુલિયો એન્સિસોએ શાનદાર ગોલ કરીને પેરાગ્વેને 1-0ની લીડ અપાવી દીધી હતી. જોકે, બીજા હાફમાં જર્મનીએ જોરદાર વાપસી કરી હતી. ફ્લોરિયન વિર્ટ્ઝના શાનદાર ક્રોસ પાસ પર કાઈ હેવર્ટ્ઝે હેડર દ્વારા ગોલ કરીને સ્કોર 1-1ની બરાબરી પર લાવી દીધો હતો. ત્યારબાદ જર્મનીના જોનાથન ટાહે પણ વધુ એક હેડર ગોલ કર્યો હતો, પરંતુ રેફરીએ તેને અમાન્ય જાહેર કર્યો હતો. નિર્ધારિત સમય સુધી સ્કોર લાઇન 1-1 રહેતા મેચ શૂટઆઉટમાં પ્રવેશી હતી.

પેનલ્ટી શૂટઆઉટનો શ્વાસ અધ્ધર કરતો રોમાંચ

શૂટઆઉટની શરૂઆત જર્મની માટે ખરાબ રહી કારણ કે કાઈ હેવર્ટ્ઝની પહેલી જ પેનલ્ટી પેરાગ્વેના ગોલકીપરે રોકી લીધી હતી. ત્યારબાદ પેરાગ્વે તરફથી મોરિસિયો અને ગુસ્તાવો ગોમેઝે ગોલ કર્યા હતા. જ્યારે જર્મની માટે જોશુઆ કિમીચ અને જમાલ મુસિયાલાએ સ્કોર 2-2ની બરાબરી પર રાખ્યો હતો. રોમાંચ ત્યારે વધ્યો જ્યારે મટિયાસ ગેલાર્ઝાએ ગોલ કરીને પેરાગ્વેને આગળ કર્યું અને જર્મનીના નિક વોલ્ટેમેડનો શોટ રોકાઈ ગયો. જો કે, અનુભવી ગોલકીપર મેન્યુઅલ નોયરે એન્ટોનિયો સનાબ્રિયા અને ફેબિયન બાલબુએનાના શાનદાર શોટ્સ રોકીને જર્મનીની આશા છેલ્લી ઘડી સુધી જીવંત રાખી હતી અને નાદિમ અમીરીએ સ્કોર 3-3 કર્યો હતો.

જોસે કનાલેના વિનિંગ ગોલથી પેરાગ્વે અંતિમ-16માં

ભારે દબાણ વચ્ચે પેરાગ્વેને ત્રીજો નિર્ણાયક મોકો મળ્યો હતો. જોસે કનાલેએ કોઈ પણ ભૂલ કર્યા વિના શાનદાર પેનલ્ટી ફટકારીને બોલને ગોલપોસ્ટમાં ધકેલી દીધો હતો અને પોતાની ટીમને 4-3થી ઐતિહાસિક જીત અપાવી હતી. કોચ ગુસ્તાવો અલ્ફારોના માર્ગદર્શન હેઠળ પેરાગ્વેએ પ્રી-ક્વાર્ટર ફાઇનલમાં પ્રવેશ કરી લીધો છે, જ્યારે ફેવરિટ ગણાતી જર્મનીની સફર અહી જ સમાપ્ત થઈ ગઈ છે.