ચેમ્પિયન શૂટર હતા નાના પાટેકર, ઉધાર લીધેલી રાઈફલથી બ્રોન્ઝ જીત્યો હતો; વિરાટ કોહલીની વિકેટ પર ભોજન નહતા કરતા
છેલ્લું અપડેટ : 08 Oct 2026
નાના પાટેકર જેમણે તેમના શક્તિશાળી અભિનય અને તેમણે ભજવેલા પાત્રો માટે ફેન્સના હૃદયમાં હંમેશા માટે અમર થઈ ગયા હતા, તેઓ હવે આ દુનિયામાં નથી. તેમનું 75 વર્ષની વયે અવસાન થયું. અભિનય ઉપરાંત, નાનાને રમતગમત પ્રત્યે પણ ઊંડો જુસ્સો હતો. તેમણે 2007માં શૂટિંગમાં બ્રોન્ઝ મેડલ જીત્યો હતો. વિરાટ કોહલી તેમનો ફેવરિટ ક્રિકેટર હતો.
2007માં મેડલ જીત્યો
નાના પાટેકર ઈન્દોર નજીક મહુમાં યોજાયેલી રાષ્ટ્રીય 300 મીટર બિગ બોર શૂટિંગ ચેમ્પિયનશિપમાં બ્રોન્ઝ મેડલ જીતનાર મહારાષ્ટ્ર ટીમનો ભાગ હતા. તેમણે અડધાથી વધુ પ્રતિભાગીઓને પાછળ છોડીને 'રિનોન્ડ શોટ' નું બિરુદ મેળવ્યું હતું. તેઓ 49 પ્રતિભાગીઓમાંથી 13મા સ્થાને રહ્યા.
નાનાએ તે સમયે કહ્યું હતું, "મને લાગે છે કે આ એક મોટી સિદ્ધિ છે." 'રિનોન્ડ શોટ' સ્ટેટસનો અર્થ એ હતો કે નાના ડ્યુટી ચૂકવ્યા વિના રાઈફલ્સ આયાત કરી શકતા હતા. તેમણે કહ્યું હતું, "એકવાર મને આ નવી રાઈફલ મળી જશે, હું તમને ખાતરી આપું છું કે હું 600માંથી 590 પોઈન્ટ મેળવીશ."
રાઈફલ ઉધાર લીધી હતી
નાનાએ મહુમાં ઉધાર લીધેલી રાઈફલનો ઉપયોગ કરીને 600માંથી 549 પોઈન્ટ મેળવ્યા હતા. આ તેમના અગાઉના શ્રેષ્ઠ સ્કોર 516 (2006) કરતા 33 પોઈન્ટ વધારે હતા. તેમના સાથી ખેલાડીઓ સુમિત ગુપ્તાએ 512 પોઈન્ટ બનાવ્યા અને અશોક પંડિતે 476 પોઈન્ટ બનાવ્યા. મહારાષ્ટ્ર બીજા સ્થાને રહ્યું હતું.
ઓફ-સ્પિન બોલિંગ કરતા હતા
નાના ક્રિકેટના પણ શોખીન હતા. એક ઇન્ટરવ્યુમાં નાનાએ ક્રિકેટ વિશે વાત કરી. અનુભવી અભિનેતાએ કહ્યું કે તેઓ બાળપણમાં એક સારા ક્રિકેટર હતા. તેઓ ઓફ-સ્પિન બોલિંગ કરતા હતા. ભારત-પાકિસ્તાન મેચ દરમિયાન તેઓ ટીવી સામે ચોંટી રહેતા હતા.
વિરાટ કોહલી ફેવરિટ હતો
તેમના બાળપણના દિવસો યાદ કરતાં નાનાએ કહ્યું, "તે સમયે હું ગરીબ હતો. મારી પાસે ક્રિકેટ શીખવા માટે પૈસા નહતા. હું શિવાજી પાર્ક જતો અને ત્યાં પ્રેક્ટિસ કરતા લોકોને બોલિંગ કરતો." વિરાટ કોહલી તેમનો ફેવરિટ ક્રિકેટર હતો. એક ઇન્ટરવ્યુમાં નાનાએ કહ્યું હતું કે જો વિરાટ વહેલો આઉટ થઈ જાય તો તેમને ખાવાનું મન નહતું થતું.
