PBKS vs KKR / બેટ્સમેન કે બોલર, મુલ્લાનપુર સ્ટેડિયમની પિચ પર કોને મળશે ફાયદો? જાણો અહીંના IPL રેકોર્ડ્સ

IPL 2025ની 31મી મેચ આજે શ્રેયસ અય્યરની આગેવાની હેઠળની પંજાબ કિંગ્સ (PBKS) અને અજિંક્ય રહાણેની આગેવાની હેઠળની કોલકાતા નાઈટ રાઈડર્સ (KKR) વચ્ચે રમાશે. આ મેચ મુલ્લાનપુર ક્રિકેટ સ્ટેડિયમમાં રમાશે, જે PBKSનું હોમ ગ્રાઉન્ડ છે. ચાલો તમને જણાવીએ કે પિચની સ્થિતિ કેવી રહેશે? અને અહીં IPLનો રેકોર્ડ કેવો છે?

મુલ્લાનપુર ક્રિકેટ સ્ટેડિયમના IPL રેકોર્ડ્સ

આ સ્ટેડિયમને 2024માં PBKSનું હોમ ગ્રાઉન્ડ બનાવવામાં આવ્યું હતું, તે સિઝનમાં અહીં 5 મેચ રમાઈ હતી. આ વખતે અહીં 2 મેચ રમાઈ છે, જેમાંથી 3 ઈનિંગ્સમાં સ્કોર 200ને પાર કરી ગયો છે. અહીં સૌથી વધુ ટીમ સ્કોર 219 રન છે, જે પંજાબ કિંગ્સે આ સિઝનમાં ચેન્નાઈ સુપર કિંગ્સ સામે બનાવ્યા હતા.

• કુલ મેચ: 7
• પ્રથમ બેટિંગ કરતી ટીમ જીતી: 4 મેચ
• પહેલા બોલિંગ કરનારી ટીમ જીતી: 3 મેચ
• ટોસ જીતનાર ટીમ જીતી: 3 મેચ
• ટોસ હારનાર ટીમ જીતી: 4 મેચ
• સૌથી વધુ ટીમ સ્કોર: 219 (CSK સામે PBKS)
• સૌથી વધુ વ્યક્તિગત સ્કોર: 103 (CSK સામે PBKS તરફથી પ્રિયાંશ આર્ય)
• બેસ્ટ સ્પેલ: 4/29 (SRH સામે PBKS તરફથી અર્શદીપ સિંહ)

મુલ્લાનપુર ક્રિકેટ સ્ટેડિયમ પિચ રિપોર્ટ

આ વખતે આ સ્ટેડિયમમાં રમાયેલી 4માંથી 3 ઈનિંગ્સમાં 200થી વધુનો સ્કોર થયો છે. આજે પણ બેટ્સમેનોને અહીં મદદ મળશે. મુલ્લાનપુરની પિચ પર ટર્ન આવી શકે છે, તેથી સ્પિનરને અહીં ઘણી મદદ મળવાની અપેક્ષા છે. ફાસ્ટબોલર સામે બેટ્સમેન વધુ રન બનાવી શકે છે, તેથી પાવરપ્લે મહત્ત્વપૂર્ણ રહેશે. પાવરપ્લેમાં વધુ રન થવાની શક્યતા રહેશે, આઉટફિલ્ડ પણ ઝડપી હશે. અહીં ટોસ જીતીને પહેલા બોલિંગ કરવાનો નિર્ણય યોગ્ય રહેશે. પ્રથમ બેટિંગ કરનારી ટીમે 210ની આસપાસ સ્કોર બનાવવો જોઈએ, નહીં તો ટાર્ગેટ ચેઝ કરતી ટીમ સરળતાથી જીતી શકે છે.

બંને ટીમોનું IPL 2025માં પ્રદર્શન

KKRની વાત કરીએ તો, ટીમે 6માંથી 3 મેચ જીતી છે અને એટલી જ હારનો સામનો કરવો પડ્યો છે. જો ટીમ આજે જીતે છે, તો તે પોઈન્ટ્સ ટેબલમાં ટોપ 4માં જોડાઈ જશે, હાલમાં ટીમ પાંચમા ક્રમે છે. પંજાબ કિંગ્સે 5માંથી 3 મેચ જીતી છે પરંતુ નેટ રન રેટના આધારે ટીમ કોલકાતાથી પાછળ એટલે છઠ્ઠા સ્થાને છે. જો પંજાબ આજે જીતે છે તો તે ટોપ 4માં આવી શકે છે.

બંને ટીમોની સંભવિત પ્લેઈંગ ઈલેવન

PBKS: શ્રેયસ અય્યર (કેપ્ટન), પ્રભસિમરન સિંહ (વિકેટકીપર), પ્રિયાંશ આર્ય, નેહલ વાઢેરા, શશાંક સિંહ, ગ્લેન મેક્સવેલ, માર્કો યાન્સન, માર્કસ સ્ટોઈનિસ, અર્શદીપ સિંહ, યુઝવેન્દ્ર ચહલ અને યશ ઠાકુર.

KKR: અજિંક્ય રહાણે (કેપ્ટન), ક્વિન્ટન ડી કોક (વિકેટકીપર), રિંકુ સિંહ, વેંકટેશ અય્યર, આન્દ્રે રસેલ, મોઈન અલી, સુનીલ નારાયણ, વરુણ ચક્રવર્તી, હર્ષિત રાણા, સ્પેન્સર જોન્સન અને એનરિક નોર્કિયા.