IND vs AUS / તો શું ટેસ્ટમાંથી નિવૃત્તિ લઈ રહ્યો છે રોહિત શર્મા? ફેન્સને દેખાઈ રહ્યા છે સંકેતો

ટીમ ઈન્ડિયાનો કેપ્ટન રોહિત શર્મા ટેસ્ટ ક્રિકેટમાં સતત ફ્લોપ થઈ રહ્યો છે. તે છેલ્લી 7 ઈનિંગ્સમાં 20 રનના આંકને પણ સ્પર્શી નહોતો શક્યો, જ્યારે માત્ર 3 વખત તે ડબલ ફિગરને સ્પર્શી શક્યો હતો. આવી સ્થિતિમાં, જ્યારે તે બિસ્બેન ટેસ્ટની પ્રથમ ઈનિંગમાં ફ્લોપ રહ્યો હતો, ત્યારે સોશિયલ મીડિયા પર એક ચર્ચા શરૂ થઈ હતી કે ટીમ ઈન્ડિયાનો કેપ્ટન આ સિરીઝમાં અથવા આ સિરીઝ પછી ટેસ્ટ ક્રિકેટમાંથી નિવૃત્તિની જાહેરાત કરી શકે છે. T20 વર્લ્ડ કપની ફાઈનલ જીત્યા બાદ પણ તેણે T20 ઈન્ટરનેશનલમાંથી નિવૃત્તિની જાહેરાત કરી દીધી હતી. સોશિયલ મીડિયા પર આ ચર્ચા ત્યારે થઈ જ્યારે રોહિત આઉટ થયા બાદ ડગઆઉટની સામે બાઉન્ડ્રી લાઈનની બહાર પોતાના ગ્લોવ્ઝ છોડીને ગયો હતો.

આ પણ વાંચો: ક્રિકેટમાં 400+ વિકેટ લેનાર આ બોલરે જાહેર કરી નિવૃત્તિ, સોશિયલ મીડિયા દ્વારા માહિતી આપી

રોહિતના ગ્લોવ્ઝની તસવીરો પોસ્ટ કરતી વખતે, કેટલાક ફેન્સે તેનો અર્થ એવો કર્યો કે તેણે હવે ટેસ્ટ ક્રિકેટમાંથી નિવૃત્તિ લેવાનું નક્કી કર્યું છે અને તેના ગ્લોવ્સ આનો સ્પષ્ટ સંકેત છે. જોકે, જો રોહિત આ ટેસ્ટ પછી નિવૃત્તિ લે છે, તો ભારતને અહીં હજુ એક વધુ ઈનિંગ રમવી પડી શકે છે, જેમાં રોહિતની બેટિંગની જરૂર પડશે.

X પર જુઓ

જે પણ ફેન્સ રોહિતના આ ઈશારાનું અર્થઘટન કરવાનો પ્રયાસ કરી રહ્યા છે, તો તેમને જણાવી દઈએ કે ઓસ્ટ્રેલિયામાં આ દિવસોમાં ગરમી છે અને બ્રિસબેનમાં ગરમીની સાથે વરસાદ પણ પડી રહ્યો છે, જેના કારણે વાતાવરણ ભેજયુક્ત છે જેમાં વ્યક્તિને ઘણો પરસેવો વળે છે. આવી સ્થિતિમાં, જ્યારે રોહિતે આઉટ થયા પછી મેદાન પર સૂર્યપ્રકાશ જોયો, ત્યારે તેણે ગ્લોવ્સનો પરસેવો સૂકવવા માટે તડકામાં ગ્લોવ્સ મૂક્યા, જેનો ફેન્સે તેમના મગજમાંથી આ અર્થ કાઢ્યો.

જોકે, રોહિતના ખરાબ ફોર્મે ચોક્કસપણે આ અફવાઓને વેગ આપ્યો છે. તેણે ટેસ્ટ ક્રિકેટમાં તેની છેલ્લી સદી આ વર્ષે માર્ચ 2024માં ધર્મશાલા ટેસ્ટમાં ફટકારી હતી, જે તેના કરિયરની 12મી ટેસ્ટ સદી હતી. પરંતુ આ પછી સપ્ટેમ્બરથી શરૂ થયેલી ટેસ્ટ સિઝનમાં રોહિત માત્ર એક જ અડધી સદી ફટકારી શક્યો છે, જે તેણે ઓક્ટોબરમાં બેંગ્લોર ટેસ્ટમાં ન્યુઝીલેન્ડ સામે ફટકારી હતી. તે છેલ્લી 13 ઈનિંગ્સમાં માત્ર એક જ વખત ફિફ્ટી ફટકારી શક્યો છે. આ પ્રદર્શનને કારણે તે દબાણમાં હશે.