IRE vs ZIM મેચમાં વરસાદ, મુકાબલો રદ્દ થયો તો શું ઓસ્ટ્રેલિયા સુપર 8 માટે ક્વોલિફાય થશે?
છેલ્લું અપડેટ : 17 Feb 2026
T20 વર્લ્ડ કપ 2026ની 32મી મેચ આયર્લેન્ડ અને ઝિમ્બાબ્વે વચ્ચે રમાવાનીછે. આ મેચ માટે જેટલો ઉત્સાહ બંને દેશોના ફેન્સનો હશે તેટલો જ ઓસ્ટ્રેલિયન ફેન્સ અને ઓસ્ટ્રેલિયન ટીમનો પણ હશે. આ મેચનું પરિણામ ટુર્નામેન્ટમાં કાંગારૂઓનું ભવિષ્ય નક્કી કરશે. હાલમાં, આ મેચ દરમિયાન વરસાદ પડી રહ્યો છે, જેનાથી ઓસ્ટ્રેલિયાનું ટેન્શન વધી રહ્યું છે.
મેચ રદ્દ થઈ તો પણ ઓસ્ટ્રેલિયા બહાર
આયર્લેન્ડ અને ઝિમ્બાબ્વે વચ્ચેની મેચ પલ્લેકેલ સ્ટેડિયમ ખાતે રમવાની છે. જો વરસાદને કારણે મેચ ધોવાઈ જાય, તો પણ ઓસ્ટ્રેલિયા ટુર્નામેન્ટમાંથી બહાર થઈ જશે. જો આ મેચ વરસાદને કારણે રદ્દ થાય છે, તો ઝિમ્બાબ્વે શ્રીલંકા સાથે સુપર 8 માટે ક્વોલિફાય કરશે. આયર્લેન્ડ પણ ઓસ્ટ્રેલિયા સાથે ટુર્નામેન્ટમાંથી બહાર થઈ જશે.
તમને જણાવી દઈએ કે ગ્રુપ B સમીકરણ મુજબ, જો ઓસ્ટ્રેલિયા આગળ વધવા માંગે છે, તો તેણે આજે ઝિમ્બાબ્વેની હાર માટે પ્રાર્થના કરવી પડશે. જો ઝિમ્બાબ્વે આ મેચ જીતે છે, તો તે સુપર 8માં પ્રવેશ મેળવશે. જો આયર્લેન્ડ ઝિમ્બાબ્વેને હરાવે છે, તો સુપર 8 માટે ગ્રુપ Bમાંથી બીજી ટીમ માટેની રેસ ત્રિકોણીય બની શકે છે.
આવી સ્થિતિમાં, જો ઝિમ્બાબ્વે શ્રીલંકા સામે તેની છેલ્લી ગ્રુપ મેચ હારી જાય અને ઓસ્ટ્રેલિયા ઓમાનને હરાવે, તો ત્રણેય ટીમોના 4-4 પોઈન્ટ થશે. તે સ્થિતિમાં ફક્ત વધુ સારી નેટ રન રેટવાળી ટીમ જ સુપર 8માં શ્રીલંકા સાથે જોડાઈ શકશે. જો ઝિમ્બાબ્વે તેની બાકીની બંને મેચ જીતી જાય, તો તે ગ્રુપમાં ટોચ પર પણ રહી શકે છે. આમ કરવા માટે ઝિમ્બાબ્વેએ છેલ્લી મેચમાં શ્રીલંકાને હરાવવું પડશે અને આજે પણ જીતવું પડશે.