IPL 2027 Trade / રિષભ પંતની થઈ ઘરવાપસી, આટલા કરોડમાં DC સાથે જોડાયો; કુલદીપ યાદવ લખનૌમાંથી રમશે

IPL 2026ની સમાપ્તિ પછી લખનૌ સુપર જાયન્ટ્સ અને દિલ્હી કેપિટલ્સ વચ્ચે હાઈ-પ્રોફાઈલ ટ્રેડ ડીલ થઈ છે. આ મેગા ડીલ હેઠળ સ્ટાર વિકેટકીપર બેટ્સમેન રિષભ પંતની ફરી એકવાર દિલ્હી કેપિટલ્સમાં ભવ્ય વાપસી થઈ ગઈ છે, જ્યારે દિલ્હીના સ્ટાર સ્પિનર કુલદીપ યાદવ હવે આગામી સિઝનથી લખનૌ સુપર જાયન્ટ્સની જર્સીમાં બોલિંગ કરતો નજરે પડશે. 

આ પણ વાંચો :

નાઈટ ક્લબ વિવાદમાં બેન સ્ટોક્સને મળી રાહત, પરંતુ ઈંગ્લિશ ક્રિકેટ બોર્ડ અને મેનેજમેન્ટ પર ઉભા થયા પ્રશ્નો

VIDEO: ટીમ ઈન્ડિયાની જર્સી મળતા જ ઈમોશનલ થઈ ગયો વૈભવ સૂર્યવંશી, BCCIએ શેર કરી ખેલાડીની પ્રતિક્રિયા

રિષભ પંતની દિલ્હીમાં ઘરવાપસી

આ પણ વાંચો :

ઈજાના કારણે આયર્લેન્ડ અને ઈંગ્લેન્ડ પ્રવાસમાંથી બહાર થયો ભારતીય ઓલરાઉન્ડર, તેના બદલે આ ખેલાડીને મળી શકે છે સ્થાન

IND vs ENG / T20 સિરીઝ માટે ઈંગ્લેન્ડે જાહેર કરી સ્કવોડ, આ ખેલાડીને પહેલી વખત મળ્યું સ્થાન

રિષભ પંતની દિલ્હી કેપિટલ્સમાં આ વાપસીને અસલી 'ઘરવાપસી' કહેવી બિલકુલ ખોટી નહીં ગણાય. વર્ષ 2016થી 2024 સુધી પંતે દિલ્હી કેપિટલ્સ માટે સતત 111 મેચ રમી હતી અને તે આ ફ્રેન્ચાઇઝીના ઈતિહાસમાં સૌથી વધુ મેચ રમનારો ખેલાડી બન્યો હતો. આ લાંબા ગાળા દરમિયાન તે ટીમનો કેપ્ટન પણ રહ્યો હતો અને દિલ્હીને પોતાના દમ પર ઘણી યાદગાર મેચો જીતાડી હતી.

27 કરોડનો ખેલાડી હવે 15 કરોડની ફી પર પરત ફર્યો

નોંધનીય છે કે IPL 2025ના મેગા ઓક્શનમાં લખનૌ સુપર જાયન્ટ્સે રિષભ પંત પર 27 કરોડ રૂપિયાની ઐતિહાસિક બોલી લગાવીને પોતાની ટીમમાં સામેલ કર્યો હતો. આ બોલી IPL ઇતિહાસની સૌથી મોટી બોલી સાબિત થઈ હતી. જોકે, લખનૌ સુપર જાયન્ટ્સ સાથે રિષભ પંતની આ સફર માત્ર બે સિઝન સુધી જ સીમિત રહી છે. હવે આ ખાસ ટ્રેડ ડીલના માધ્યમથી પંત 15 કરોડ રૂપિયાની વાર્ષિક ફી પર ફરીથી પોતાની જૂની ટીમ દિલ્હી કેપિટલ્સમાં પરત આવી ગયો છે.

કુલદીપ યાદવનો દિલ્હી સાથેનો સુવર્ણ અધ્યાય પૂરો 

બીજી તરફ, ચાઈનામેન સ્પિનર કુલદીપ યાદવનો દિલ્હી કેપિટલ્સ સાથેનો શાનદાર પ્રવાસ હવે સત્તાવાર રીતે પૂરો થઈ ગયો છે. વર્ષ 2022માં દિલ્હીની ટીમ સાથે જોડાયા બાદ તેણે પાંચ સિઝનમાં કુલ 65 મેચ રમીને 72 મહત્ત્વપૂર્ણ વિકેટો ઝડપી હતી અને પોતાની જાતને ટીમના સૌથી ભરોસાપાત્ર મેચ-વિનર બોલર તરીકે સ્થાપિત કર્યો હતો. 

હવે આ અદલાબદલી હેઠળ કુલદીપ યાદવ 13.50 કરોડ રૂપિયાની કિંમત સાથે લખનૌ સુપર જાયન્ટ્સનો હિસ્સો બન્યો છે. લખનૌની ટીમને પૂરી આશા છે કે કુલદીપની હાજરીથી તેમની સ્પિન બોલિંગ યુનિટ વધુ મજબૂત બનશે અને ટીમ પ્રથમ વખત IPL ટ્રોફી જીતવાના પોતાના સપનાને પૂરું કરી શકશે.

બંને ટીમો માટે ફાયદાકારક ડીલ 

દિલ્હી કેપિટલ્સ માટે આ ટ્રેડ બેટિંગ અને કેપ્ટન્સી બંને મોરચે બહુ મોટો ફાયદો કરાવનારો માનવામાં આવી રહ્યો છે, કારણ કે પંતના આવવાથી મિડલ ઓર્ડર મજબૂત થશે. બીજી તરફ, લખનૌ સુપર જાયન્ટ્સે એક અત્યંત અનુભવી આંતરરાષ્ટ્રીય સ્પિનરને પોતાની ટીમમાં સામેલ કરીને પોતાની બોલિંગ લાઈન-અપને ધારદાર બનાવી છે. IPLના ઈતિહાસમાં અગાઉ પણ ઘણા મોટા ટ્રેડ થયા છે (જેમ કે હાર્દિક પંડ્યાનો મુંબઈમાં ટ્રેડ), પરંતુ રિષભ પંત અને કુલદીપ યાદવની આ અદલાબદલીને હાલના વર્ષોનો સૌથી ચર્ચિત અને પ્રભાવશાળી સોદો માનવામાં આવી રહ્યો છે.