Asian Games 2026 / ભારતને મળ્યો ત્રીજો ગોલ્ડ, મહિલા કબડ્ડી ટીમે રચ્યો ઈતિહાસ; ઈરાનને હરાવી જીત્યો મેડલ
છેલ્લું અપડેટ : 26 Sept 2026
એશિયન ગેમ્સ 2026માં ભારતનો ત્રીજો ગોલ્ડ મેડલ મહિલા કબડ્ડી ઈવેન્ટમાં આવ્યો. ભારતીય મહિલા કબડ્ડી ટીમે ઈરાન સામે 37-34ના માર્જિનથી ગોલ્ડ મેડલ મેચ જીતીને ઈતિહાસ રચ્યો. આ મેચમાં બંને ટીમો વચ્ચે જોરદાર સ્પર્ધા જોવા મળી. ભારતીય ટીમે મેચના પહેલા હાફથી જ પોતાની લીડ જાળવી રાખી, ઈરાનને બે વાર ઓલઆઉટ કરવામાં પણ સફળ રહી. ભારતીય મહિલા કબડ્ડી ટીમે એશિયન ગેમ્સ 2026માં ગ્રુપ સ્ટેજથી ગોલ્ડ મેડલ મેચ સુધી પોતાની જીતનો સિલસિલો ચાલુ રાખ્યો.
ભારતીય ટીમે પહેલા હાફમાં 22-16 ની લીડ મેળવી હતી
એશિયન ગેમ્સ 2026 શરૂ થાય તે પહેલા જ ભારતીય મહિલા કબડ્ડી ટીમને ગોલ્ડ મેડલ માટે મજબૂત દાવેદાર માનવામાં આવી રહી હતી અને ગોલ્ડ મેડલ મેચમાં તેનું પ્રભાવશાળી પ્રદર્શન જોવા મળ્યું. ભારતીય મહિલા કબડ્ડી ટીમે ગ્રુપ સ્ટેજમાં એકતરફી પ્રદર્શન કર્યું હતું અને તે સેમીફાઈનલ મેચ પણ એકતરફી રીતે જીતી હતી. ગોલ્ડ મેડલ મેચમાં ભારતીય ટીમને ઈરાન તરફથી કઠિન સ્પર્ધાનો સામનો કરવો પડ્યો. પહેલા હાફમાં એક સમયે સ્કોર 7-7થી બરાબર હતો. તે પછી, ભારતીય ટીમ વધુ આક્રમક બની અને પહેલા હાફના અંતે 22-16 ની લીડ મેળવી.
ઈરાને બીજા હાફમાં વાપસી કરી, પરંતુ ભારતીય ટીમે તેની લીડ જાળવી રાખી
ગોલ્ડ મેડલ મેચનો બીજો હાફ રોમાંચક રહ્યો, જેમાં ઈરાને શાનદાર વાપસી કરી અને ભારતીય ટીમને ઓલઆઉટ કરી, જેનાથી લીડમાં ઘટાડો થયો. ત્યારબાદ ભારતીય ટીમે વાપસી કરી અને ઈરાનને ઓલઆઉટ કરી દીધું અને મેચના અંત સુધી પોતાની લીડ જાળવી રાખી, સ્કોરલાઈન 37-34 રહી અને ટીમ ઈન્ડિયાએ ગોલ્ડ મેડલ જીત્યો.
