IND vs ENG: ભારત અને ઈંગ્લેન્ડ વચ્ચે રમાનારી પાંચ ટેસ્ટ સિરીઝનો કાર્યક્રમ જાહેર
ભારતીય ક્રિકેટ કન્ટ્રોલ બોર્ડ(BCCI)એ ભારત અને ઈંગ્લેન્ડ વચ્ચે 2025માં રમાનારી પાંચ ટેસ્ટ શ્રેણીનો કાર્યક્રમ જાહે
ભારતીય ક્રિકેટ કન્ટ્રોલ બોર્ડ(BCCI)એ ભારત અને ઈંગ્લેન્ડ વચ્ચે 2025માં રમાનારી પાંચ ટેસ્ટ શ્રેણીનો કાર્યક્રમ જાહેર કર્યો છે. આ સિરીઝની પ્રથમ ટેસ્ટનો આગાઝ 20 જૂનથી થશે.
બીસીસીઆઈ દ્વારા કરવામાં આવેલી જાહેરાત પ્રમાણે આવતા વર્ષે ઉનાળામાં ભારત અને ઈંગ્લેન્ડ વચ્ચે 2025માં 20 જૂનથી 3 ઓગસ્ટ દરમિયાન 5 ટેસ્ટ મેચની શ્રેણી રમાશે. રોહિત શર્માની કેપ્ટન્સીમાં આ ટીમ પહેલી વખત ઈંગ્લેન્ડમાં ટેસ્ટ શ્રેણી જીતવાનો પ્રયાસ કરશે.
પ્રથમ ટેસ્ટ - હેડિંગલી, લીડ્સ (જૂન 20-24)
બીજી ટેસ્ટ - એજબેસ્ટન, બર્મિંગહામ (જુલાઈ 2-6)
ત્રીજી ટેસ્ટ - લોર્ડ્સ, લંડન (જુલાઈ 10-14)
ચોથી ટેસ્ટ - ઓલ્ડ ટ્રેફોર્ડ, માન્ચેસ્ટર (23-27 જુલાઈ)
પાંચમી ટેસ્ટ - કિયા ઓવલ, લંડન (31 જુલાઈ - 3 ઓગસ્ટ)
નોંધનીય છે કે, વિરાટ કોહલીની આગેવાનીમાં ટીમ ટેસ્ટ શ્રેણી જીતી શકે એમ હતી પરંતુ કોરોનાના કારણે 5 મેચની શ્રેણી 2-2થી સરભર થઈ હતી. એ સમયે ભારત ખૂબ જ આક્રમક દેખાતું હતું અને શ્રેણી જીતે એવું જ લાગી રહ્યું હતું. આ અગાઉ રાહુલ દ્રવિડની કેપ્ટન્સીમાં ભારતીય ક્રિકેટ ટીમ 2007માં 5 મેચની શ્રેણી જીત્યું હતું. ત્યાર બાદ ભારત હવે ફરીથી આ સિદ્ધિ મેળવવાનો પ્રયાસ કરશે.
