એશિયા કપમાં ભારત પહોંચ્યું સુપર-4 માં, UAE એ વધાર્યું પાકિસ્તાનનું ટેન્શન

એશિયા કપમાં ભારતીય ટીમ સામે હાર્યા બાદ UAE એ ઓમાન સામેની મેચ જીતી છે.આ જીત સાથે ભારત સત્તાવાર રીતે સુપર 4 માં પહોંચી ગયું છે જ્યારે પાકિસ્તાન સામે એશિયા કપમાંથી બહાર થવાનું જોખમ છે. 

ઓમાન સામે ટોસ હાર્યા બાદ UAE પહેલા બેટિંગ કરવા ઉતર્યું અને કેપ્ટન મુહમ્મદ વસીમ અને અલીશાન શરાફુની શાનદાર ભાગીદારીને કારણે મોટા સ્કોરનો કર્યો હતો. બંનેએ પ્રથમ વિકેટ માટે 88 રન કર્યા. અલીશાન શરાફુ 38 બોલમાં 51 રન બનાવીને આઉટ થયો, જ્યારે મુહમ્મદ વસીમે 54 બોલમાં 69 રનની શાનદાર ઇનિંગ રમી.

UAE એ શરૂઆતથી જ ઓમાન પર દબાણ બનાવ્યું અને અડધી ટીમને 50 રનમાં ઓલઆઉટ કરીને મેચ પર કબજો જમાવ્યો. જુનૈદ સિદ્દીકીની ઘાતક બોલિંગ સામે ઓમાનની બેટિંગ બિનઅસરકારક સાબિત થઈ. 4 ઓવરમાં તેણે 23 રન આપીને 4 વિકેટ લીધી, જ્યારે હૈદર અલીએ 2 બેટ્સમેનને આઉટ કર્યા. ઓમાનની ટીમ 18.4 ઓવરમાં 130 રનમાં જ સમેટાઈ ગઈ.

પાકિસ્તાનને બહાર થવાનો ભય

UAE એ ઓમાનને હરાવ્યું અને 2 મહત્વપૂર્ણ પોઈન્ટ મેળવ્યા અને એશિયા કપ સુપર 4 માટે પોતાનો દાવો જાળવી રાખ્યો. આ જીત પછી, પોઈન્ટ ટેબલમાં મોટો ફેરફાર થયો. 2 પોઈન્ટ સાથે, UAE ની ટીમ ત્રીજા સ્થાને પહોંચી ગઈ. તેમના પાકિસ્તાન જેટલા જ પોઈન્ટ છે. હવે તેઓ છેલ્લી લીગ મેચમાં પાકિસ્તાનનો સામનો કરશે. જો UAE આ મેચ જીતે છે, તો પાકિસ્તાનની ટીમ એશિયા કપમાંથી બહાર થઈ જશે.