T20 World Cup 2024 માટે બે ગ્રુપમાં જશે ભારતીય ટીમ, આ દિવસે રવાના થશે કેપ્ટન રોહિત શર્મા અને હાર્દિક પંડ્યા
ભારતીય ટીમ T20 વર્લ્ડ કપ માટે બે ગ્રુપમાં રવાના થશે. પ્રથમ ગ્રૂપમાં એવા ખેલાડીઓનો સમાવેશ થશે જેમની ફ્રેન્ચા
ભારતીય ટીમ T20 વર્લ્ડ કપ માટે બે ગ્રુપમાં રવાના થશે. પ્રથમ ગ્રૂપમાં એવા ખેલાડીઓનો સમાવેશ થશે જેમની ફ્રેન્ચાઈઝી IPL પ્લેઓફમાં નથી પહોંચી, જ્યારે બીજું ગ્રૂપ 26 મેના રોજ IPL ફાઈનલ પછી તરત જ રવાના થશે.
T20 વર્લ્ડ કપ 2024 2 જૂનથી શરૂ થશે. મુંબઈ ઈન્ડિયન્સ અને પંજાબ કિંગ્સની ટીમ પ્લેઓફની રેસમાંથી બહાર થઈ ગઈ છે અને કેપ્ટન રોહિત શર્મા, વાઈસ કેપ્ટન હાર્દિક પંડ્યા અને જસપ્રિત બુમરાહ અને સૂર્યકુમાર યાદવ અને અર્શદીપ સિંહ 24 મેના રોજ વર્લ્ડ કપ માટે રવાના થશે.
આ પણ વાંચો: ટીમ ઈન્ડિયાને મળશે નવા હેડ કોચ, BCCI સેક્રેટરી જય શાહે કહ્યું-રાહુલ દ્રવિડ ઈચ્છે તો...
ગુજરાત ટાઇટન્સનો કેપ્ટન શુભમન ગિલ પણ રિઝર્વ ખેલાડીઓમાં સામેલ છે અને તે પણ પ્રથમ ગ્રૂપ સાથે રવાના થઈ શકે છે. એ જ રીતે જો RCB પણ પ્લેઓફમાં નહીં પહોંચે તો વિરાટ કોહલી અને મોહમ્મદ સિરાજ પણ 24મીએ રવાના થશે.
રાજસ્થાન રોયલ્સ અને કેકેઆરનું પ્લેઓફમાં જવું નિશ્ચિત છે. આવી સ્થિતિમાં, સંજુ સેમસન, યુઝવેન્દ્ર ચહલ, આવેશ ખાન, રિંકુ સિંહ 26મી મે પછી બીજા ગ્રૂપમાં રવાના થશે. તમને જણાવી દઈએ કે T20 વર્લ્ડ કપ 2024માં ભારતીય ટીમ પોતાના અભિયાનની શરૂઆત આયર્લેન્ડ સામે કરશે. આ પછી 9 મેના રોજ ન્યૂયોર્કમાં ભારતનો મુકાબલો પાકિસ્તાન સામે થશે.
