IND vs PAK / એશિયા કપમાં કુલ 18 વખત ટકરાયા છે ભારત-પાકિસ્તાન, જાણો છેલ્લે ક્યારે રમાઈ હતી મેચ

ભારત અને પાકિસ્તાન ક્રિકેટ મેચનો રોમાંચ કોઈ ફાઈનલથી ઓછો નથી, બંને ટીમ પર અન્ય કોઈપણ મેચ કરતાં વધુ દબાણ હોય છે. બંને ટીમ વચ્ચે આગામી મુકાબલો 14 સપ્ટેમ્બરે એશિયા કપ 2025માં છે. હેડ ટુ હેડ રેકોર્ડની વાત કરીએ તો, એશિયા કપમાં બંને ટીમ વચ્ચે કુલ 18 મેચ રમાઈ છે, જેમાં ટીમ ઈન્ડિયા 10 વખત જીતી છે અને પાકિસ્તાન 8 વખત જીત્યું છે. જાણો જ્યારે બંને ટીમ એશિયા કપમાં છેલ્લે ક્યારે ટકરાઈ હતી અને ત્યારે શું થયું હતું. કોનું પ્રદર્શન સારું હતું અને કોણ નિષ્ફળ ગયું હતું.

આ પણ વાંચો :

IND vs PAK / ભારત પાકિસ્તાન સાથે નહીં રમે દ્વિપક્ષીય શ્રેણી, એક્શનમાં રમતગમત મંત્રાલય

Asia Cup માટે ટીમમાં સ્થાન ન મળતા શ્રેયસ અય્યરના પિતાનું દર્દ છલકાયું, કહ્યું- 'મને સમજાતું નથી તેણે હજુ...'

એશિયા કપ 2025 T20 ફોર્મેટમાં રમાશે, જ્યારે આ ટુર્નામેન્ટ ODI ફોર્મેટથી શરૂ થઈ હતી. હવે તે બંને ફોર્મેટમાં રમાય છે. ભારત અને પાકિસ્તાન વચ્ચે એશિયા કપ T20 ફોર્મેટમાં 3 મેચ રમાઈ છે, જ્યારે બંને ટીમ ODI ફોર્મેટમાં 15 વખત ટકરાઈ છે. છેલ્લી વખત જ્યારે બંને ટીમ એશિયા કપમાં સામસામે હતી, ત્યારે તે મેચ ODI ફોર્મેટ હતી. જાણો તેમાં શું થયું અને પછી T20  બંને ટીમોના આંકડા કેવા છે?

એશિયા કપમાં ભારત અને પાકિસ્તાનનો છેલ્લો મુકાબલો

એશિયા કપની છેલ્લી એડિશન 2023માં રમાઈ હતી, જે ODI ફોર્મેટમાં હતી. આમાં, ભારત અને પાકિસ્તાન વચ્ચે 1 મેચ રમાઈ હતી. 10 સપ્ટેમ્બરના રોજ યોજાયેલી આ મેચમાં, ભારતે પાકિસ્તાનને 228 રનના મોટા માર્જિનથી હરાવ્યું હતું. ભારતે 356 રન બનાવ્યા અને આખી પાકિસ્તાની ટીમ 128 રનમાં ઓલઆઉટ થઈ ગઈ હતી. વિરાટ કોહલીએ 94 બોલમાં અણનમ 122 રન બનાવ્યા હતા, જેના માટે તેને પ્લેયર ઓફ ધ મેચ તરીકે પસંદ કરવામાં આવ્યો હતો. કુલદીપ યાદવે આ મેચમાં 8 ઓવરમાં 25 રન આપીને 5 વિકેટ લીધી હતી.

આ પણ વાંચો :

Asia Cup 2025 / શ્રેયસ અય્યરને ટીમમાં સ્થાન ન મળતા હવે ભડક્યો એબી ડી વિલિયર્સ, કહ્યું- 'બંધ દરવાજા પાછળ...'

Asia Cup 2025 માટે ભારત અને પાકિસ્તાન સહીત આ દેશોએ જાહેર કરી ટીમ, જાણો કોણ છે બાકી

પાકિસ્તાને T20 ફોર્મેટમાં છેલ્લી મેચ જીતી હતી

એશિયા કપ T20 ફોર્મેટમાં છેલ્લે 2022માં રમાયો હતો, તેના ગ્રુપ મેચમાં ભારતે પાકિસ્તાનને હરાવ્યું હતું પરંતુ પાકિસ્તાન સુપર-4 માં જીત્યું હતું. એશિયા કપ T20 ફોર્મેટમાં બંને ટીમોની આ છેલ્લી મેચ હતી. પાકિસ્તાને છેલ્લી ઓવરમાં 182 રનનો ટાર્ગેટ ચેઝ કર્યો હતો અને 5 વિકેટથી જીત મેળવી હતી. આ મેચમાં પણ ભારત તરફથી વિરાટ કોહલીએ સૌથી વધુ 60 રન બનાવ્યા હતા. પાકિસ્તાનના ઓપનર મોહમ્મદ રિઝવાને 71 રન બનાવ્યા, જે આ વખતે એશિયા કપ ટીમમાં સામેલ નથી. મોહમ્મદ નવાઝને પ્લેયર ઓફ ધ મેચ તરીકે પસંદ કરવામાં આવ્યો હતો, જેણે 20 બોલમાં 42 રનની મેચવિનિંગ ઈનિંગ રમી હતી.

એશિયા કપ (T20) માં ભારત vs પાકિસ્તાન મેચ

• 27 ફેબ્રુઆરી 2016: ભારત 5 વિકેટથી જીત્યું
• 28 ઓગસ્ટ 2022: ભારત 5 વિકેટથી જીત્યું
• 4 સપ્ટેમ્બર 2022: પાકિસ્તાન 5 વિકેટથી જીત્યું

T20માં ભારત vs પાકિસ્તાન હેડ ટુ હેડ

• કુલ મેચ: 13
• ભારત જીત્યું: 9
• પાકિસ્તાન જીત્યું: 3
• ટાઈ: 1

એશિયા કપના ODI ફોર્મેટની વાત કરીએ તો, ભારત અને પાકિસ્તાન વચ્ચે કુલ 15 મેચ રમાઈ છે. આમાંથી ભારતે 8 મેચ જીતી છે અને પાકિસ્તાને 7 મેચ જીતી છે. જોકે, પહેલા પાકિસ્તાનની ટીમની બોલિંગ આજ કરતાં વધુ મજબૂત હતી.