IND vs NZ 2nd Test / બીજી ટેસ્ટમાં પણ વિલન બનશે વરસાદ? જાણો કેવું રહેશે પુણેનું હવામાન

ભારતીય ક્રિકેટ ટીમ અને ન્યુઝીલેન્ડ ક્રિકેટ ટીમ વચ્ચે બીજી ટેસ્ટ મેચ પુણેના મહારાષ્ટ્ર ક્રિકેટ એસોસિએશન સ્ટેડિયમમાં 24મી ઓક્ટોબરથી રમાશે. સિરીઝની પ્રથમ ટેસ્ટ મેચ હારી ચૂકેલી ભારતીય ટીમ બીજી ટેસ્ટમાં કમબેક કરવા પર નજર રાખશે.

ન્યુઝીલેન્ડે પ્રથમ ટેસ્ટમાં ભારતને 8 વિકેટે હરાવ્યું હતું. આ મેચ પર વરસાદની અસર પડી હતી. આવી સ્થિતિમાં બીજી ટેસ્ટ દરમિયાન પુણેનું હવામાન કેવું રહેશે? ચાલો જાણીએ કે વરસાદ વિલન બનશે કે હવામાન સ્વચ્છ રહેશે.

24 ઓક્ટોબરે પુણેનું હવામાન

24 ઓક્ટોબરે પુણેનું મહત્તમ તાપમાન 32 ડિગ્રી અને લઘુત્તમ 17 ડિગ્રી રહેવાની ધારણા છે. પ્રથમ દિવસે વરસાદની શક્યતા ઓછી છે. આવી સ્થિતિમાં ફેન્સને આખી મેચ જોવા મળી શકે છે. ગુરુવારે પુણેમાં હળવા વાદળો રહેશે. 26 કિમીની ઝડપે પવન ફૂંકાશે.

25 ઓક્ટોબરે પુણેનું હવામાન

25 ઓક્ટોબરે પુણેનું મહત્તમ તાપમાન 32 ડિગ્રી અને લઘુત્તમ તાપમાન 16 ડિગ્રી રહેવાની શક્યતા છે. મેચના બીજા દિવસે વરસાદની કોઈ શક્યતા નથી. જોકે, આંશિક વાદળછાયું વાતાવરણ રહેશે અને પવન 17 કિમી પ્રતિ કલાકની ઝડપે ફૂંકાશે.

26 ઓક્ટોબરે પુણેનું હવામાન

26 ઓક્ટોબરે પુણેના હવામાનની વાત કરીએ તો મહત્તમ તાપમાન 33 ડિગ્રી અને લઘુત્તમ 16 ડિગ્રી રહેવાની ધારણા છે. ભારત-ન્યુઝીલેન્ડ ટેસ્ટના ત્રીજા દિવસે સારો સૂર્યપ્રકાશ જોવા મળશે. ખેલાડીઓથી લઈને સ્ટેડીયમમાં આવેલા ફેન્સને ત્રીજા દિવસે ગરમીનો સામનો કરવો પડી શકે છે.

27 ઓક્ટોબરે પુણેનું હવામાન

પુણેનું હવામાન 27મી ઓક્ટોબરે પણ ગરમ રહેશે. મહત્તમ તાપમાન 33 ડિગ્રી અને લઘુત્તમ 16 ડિગ્રી રહેવાની સંભાવના છે. વરસાદની 5 ટકા શક્યતા છે. સવારે હળવા વાદળો પણ રહેશે. 

28 ઓક્ટોબરે પુણેનું હવામાન

બીજી ટેસ્ટના છેલ્લા દિવસે પુણેમાં મહત્તમ તાપમાન 30 ડિગ્રી અને લઘુત્તમ તાપમાન 18 ડિગ્રી રહી શકે છે. 28 ઓક્ટોબરે પુણેમાં હળવો વરસાદ થવાની સંભાવના છે. હળવા વાદળો પણ રહેશે. 19 કિમી પ્રતિ કલાકની ઝડપે પવન ફૂંકાશે.