IND vs ENG ODI: ઈંગ્લેન્ડની ટીમ 258 રનમાં સમેટાઈ, 4 વિકેટ લઈ છવાઈ ગયો અક્ષર પટેલ
છેલ્લું અપડેટ : 14 Jul 2026
ભારત અને ઈંગ્લેન્ડ વચ્ચે ત્રણ મેચની ODI શ્રેણીનો પહેલો મુકાબલો આજે (14 જુલાઈ) બર્મિંગહામના એજબેસ્ટન ખાતે રમાઈ રહ્યો છે. જેમાં ઈંગ્લેન્ડના કેપ્ટન હેરી બ્રુકે ટોસ જીતીને પહેલા બેટિંગ કરવાનો નિર્ણય લીધો હતો. પહેલા બેટિંગ કરતા ઈંગ્લેન્ડ 258 રનમાં ઓલઆઉટ થઈ ગયું. ઇંગ્લેન્ડની ટીમ 47.5 ઓવરમાં જ સમેટાઈ ગઈ હતી. આ મેચમાં ભારત તરફથી અક્ષર પટેલે ચાર વિકેટ લઈ જોરદાર પ્રદર્શન કર્યું હતુ. હવે ભારતીય ટીમ 259 રનનો ટાર્ગેટ ચેઝ કરવા માટે બેટિંગ કરવા ઉતરશે.
ઈંગ્લેન્ડ તરફથી જો રૂટ અને લિયામ લિવિંગસ્ટને રમી સારી ઈનિંગ
ઇંગ્લેન્ડની શરૂઆત નબળી રહી હતી અને 107 રનના સ્કોર પર જ તેની 6 વિકેટ પડી ગઈ હતી. જોકે, મધ્યક્રમમાં અનુભવી બેટ્સમેન જો રૂટે એક છેડો સાચવી રાખ્યો હતો અને 76 રનની અણનમ ઇનિંગ રમી હતી. તેને લોઅર ઓર્ડરમાં લિયામ ડાવસનનો સારો સાથ મળ્યો, જેણે 68 રનનું મહત્વનું યોગદાન આપ્યું હતું. આ સિવાય ઓપનર બેન ડકેટ 43 રન બનાવીને આઉટ થયો હતો.
રૂટ અને લિવિંગસ્ટનની ફિફ્ટી
ઇંગ્લેન્ડની ઇનિંગ્સમાં જો રૂટે સૌથી વધુ આક્રમક બેટિંગ કરતા 76 બોલમાં 6 ફોર અને 1 સિક્સ સાથે અણનમ 76 રન બનાવ્યા હતા, જ્યારે તેને સારો સાથ આપતા લિયામ ડાવસને 83 બોલમાં 6 ફોર અને 1 સિક્સની મદદથી 68 રનનું મહત્વનું યોગદાન આપ્યું હતું. ઓપનર બેન ડકેટે 45 બોલમાં 6 ફોર અને 2 સિક્સ સાથે 43 રન ફટકાર્યા હતા, જ્યારે તેના સાથી જેકબ બેથેલે 31 બોલમાં 1 ફોર સાથે 14 રન બનાવ્યા હતા. મધ્યક્રમમાં વિલ જેક્સે 19 બોલમાં 3 ફોર સાથે 20 રન અને જોફ્રા આર્ચરે માત્ર 6 બોલમાં 1 ફોર અને 1 સિક્સ સાથે 12 રન જોડ્યા હતા. જોકે, કેપ્ટન હેરી બ્રુક 3 બોલમાં 1 રન, જોસ બટલર 14 બોલમાં 5 રન, સેમ કરન 3 બોલમાં 0 રન, આદિલ રશીદ 5 બોલમાં 1 રન અને જોશ ટંગ 2 બોલમાં 0 રન બનાવીને સસ્તામાં આઉટ થઈ ગયા હતા.
અક્ષર પટેલે લીધી 4 વિકેટ
ભારત તરફથી સ્પિનર અક્ષર પટેલે શાનદાર બોલિંગ કરતા સૌથી વધુ 4 વિકેટ ઝડપી હતી. જ્યારે પ્રસિદ્ધ ક્રિષ્ના અને ગુરનૂર બ્રારે 2-2 વિકેટ લઈને ઇંગ્લેન્ડની કમર તોડી નાખી હતી. આ સિવાય જસપ્રિત બુમરાહ અને શિવમ દુબેને 1-1 વિકેટ મળી હતી. ભારતીય ટીમ હવે આ આસાન દેખાતા લક્ષ્યનો પીછો કરવા મેદાનમાં ઉતરશે.
ઇંગ્લેન્ડની પ્લેઇંગ ઇલેવન: જેકબ બેથેલ, બેન ડકેટ, જો રૂટ, હેરી બ્રુક (કેપ્ટન), જોસ બટલર (વિકેટકીપર), સેમ કુરન, વિલ જેક્સ, જોફ્રા આર્ચર, લિયામ ડોસન, જોશ ટંગ, આદિલ રશીદ.
ટીમ ઇન્ડિયાની પ્લેઇંગ ઇલેવન: રોહિત શર્મા, શુભમન ગિલ (કેપ્ટન), વિરાટ કોહલી, શ્રેયસ ઐયર, કેએલ રાહુલ (વિકેટકીપર), વોશિંગ્ટન સુંદર, શિવમ દુબે, અક્ષર પટેલ, ગુરનુર બ્રાર, જસપ્રીત બુમરાહ, પ્રસિદ્ધ કૃષ્ણા.
