IND vs AUS / આજે ગાબામાં રમાશે T20I સિરીઝની છેલ્લી મેચ, જાણો પિચ રિપોર્ટ અને સંભવિત પ્લેઈંગ ઈલેવન
છેલ્લું અપડેટ : 08 Nov 2025
ભારત અને ઓસ્ટ્રેલિયા વચ્ચે T20I સિરીઝની પાંચમી અને છેલ્લી મેચ આજે એટલે કે 8 નવેમ્બરના રોજ બ્રિસ્બેનના ગાબા સ્ટેડિયમમાં રમાશે. હાલમાં ભારત આસિરીઝમાં 2-1થી આગળ છે. ટીમ ઈન્ડિયા છેલ્લી મેચ જીતીને સિરીઝ જીતવાનોપ્રયત્ન કરશે. દરમિયાન, ઓસ્ટ્રેલિયાની ટીમ સિરીઝનો અંત સમાન સ્તરે કરવાનો પ્રયાસ કરશે. 0-1થી પાછળ રહ્યા બાદ, ભારતે શાનદાર વાપસી કરી અને આગામી બે T20 મેચમાં ઓસ્ટ્રેલિયાને હરાવીને સિરીઝમાં લીડ મેળવી. દરમિયાન, અમે તમને જણાવીશું કે આ મેચ દરમિયાન ગાબાની પિચ કેવી હશે અને બંને ટીમ કઈ પ્લેઈંગ ઈલેવન સાથે મેદાનમાં ઉતરી શકે છે.
ગાબાની પિચ કેવી હશે?
ગાબાની પિચ વિશે વાત કરીએ, તો તે સામાન્ય રીતે બેટિંગ ફ્રેન્ડલી હોય છે. આ મેદાન પર ઘણીવાર હાઈ સ્કોરિંગ મેચ જોવા મળે છે. અહીંની પિચ પર ફાસ્ટ બોલર્સને શરૂઆતમાં થોડી ગતિ, બાઉન્સ અને સ્વિંગ મળે છે. બેટ્સમેન શરૂઆતમાં સાવધાનીપૂર્વક રમતા જોવા મળે છે, પરંતુ એકવાર તેઓ સેટ થઈ જાય, પછી તેઓ સરળતાથી તેમના શોટ રમી શકે છે. પહેલા બેટિંગ કરતી ટીમોને ગાબામાં વધુ સફળતા મળી છે. તેથી, ટીમ ટોસ જીતીને પહેલા બેટિંગ પસંદ કરી શકે છે. અત્યાર સુધી અહીં રમાયેલી 11 મેચોમાંથી 8 મેચો પ્રથમ બેટિંગ કરનારી ટીમે જીતી છે.
T20Iમાં બંને ટીમોનો હેડ-ટુ-હેડ રેકોર્ડ
ભારત અને ઓસ્ટ્રેલિયા વચ્ચે કુલ 37 T20I મેચો રમાઈ છે. આમાંથી 22 મેચો ભારતે જીતી છે, જ્યારે 12 મેચો ઓસ્ટ્રેલિયાએ જીતી છે. આ સિવાય 2 મેચ ડ્રો રહી હતી અને એક રદ્દ કરવામાં આવી હતી.
બંને ટીમોની સંભવિત પ્લેઈંગ ઈલેવન
ભારત: અભિષેક શર્મા, શુભમન ગિલ, સૂર્યકુમાર યાદવ (કેપ્ટન), તિલક વર્મા, જિતેશ શર્મા (વિકેટકીપર), અક્ષર પટેલ, વોશિંગ્ટન સુંદર, શિવમ દુબે, અર્શદીપ સિંહ, વરુણ ચક્રવર્તી અને જસપ્રીત બુમરાહ.
ઓસ્ટ્રેલિયા: મિચેલ માર્શ (કેપ્ટન), મેથ્યુ શોર્ટ, જોશ ઈંગ્લિસ (વિકેટકીપર), ટિમ ડેવિડ, મિચેલ ઓવેન, માર્કસ સ્ટોઈનિસ, ગ્લેન મેક્સવેલ, ઝેવિયર બાર્ટલેટ, નાથન એલિસ, એડમ ઝામ્પા અને મહલી બીયર્ડમેન.
