ICC T20 WC: સુપર 8ની પહેલી મેચ વરસાદને ભેટે ચડી, ન્યૂઝીલેન્ડ-પાકિસ્તાનની મેચ રદ

ICC ટી20 વર્લ્ડકપમાં આજથી જ સુપર 8 મુકાબલો શરૂ થયો છે, પરંતુ પાકિસ્તાન અને ન્યૂઝીલેન્ડ વચ્ચેની પહેલી મેચ વરસાદને ભેટે ચડી ગઈ. શનિવારે શ્રીલંકાના કોલંબોમાં વરસાદી માહોલ છવાયેલો રહ્યો, માત્ર ટોસ થયો હતો. જેમાં પાકિસ્તાને ટોસ જીતીને પહેલા બેટિંગ કરવાનો નિર્ણય લીધો હતો. જે બાદ વરસાદી વિધ્ન આવી પડતાં મેચ શરૂ જ ન થઈ હતી. તેથી બંને ટીમને એક એક અંક સાથે સંતોષ કરવો પડ્યો છે. 

આ પણ વાંચો :

IND-W vs AUS-W / ત્રીજી T20Iમાં ટીમ ઈન્ડિયાએ ઓસ્ટ્રેલિયાને 17 રનથી હરાવ્યું, 2-1થી કબજે કરી સિરીઝ

Table Tennis: ગાંધીધામમાં 13 વર્ષ બાદ નેશનલ ટેબલ ટેનિસનો ધમધમાટ: માર્ચમાં રમાશે 87મી ઇન્ટર સ્ટેટ સબ જુનિયર ચેમ્પિયનશિપ

મેચ રદ થતાં હવે બંને ટીમો પર તેની અસર પડશે. હાલ તો ભલે બંનેને એક એક પોઈન્ટ મળ્યો હતો. પણ સુપર 8માં દરેક ટીમને માત્ર 3 મેચ રમવાનો જ મોકો મળે છે. આવી સ્થિતિમાં દરેક ટીમ મેચ જીતી બે પોઈન્ટ મેળવવા માંગતી હોય છે. જો છેલ્લે મામલો ફસાઈ જાય તો વરસાદના કારણે ટીમોને થયેલું પોઈન્ટનું નુકસાન ભારે પડી શકે છે.