FIDE Women's World Cup / 19 વર્ષની દિવ્યા દેશમુખ બની વર્લ્ડ ચેમ્પિયન, કોનેરુ હમ્પીને હરાવી
છેલ્લું અપડેટ : 28 Jul 2025
ભારતની દિવ્યા દેશમુખે ઈતિહાસ રચ્યો છે. દિવ્યાએ મહિલા ચેસ વર્લ્ડ કપ ફાઈનલના ટાઈબ્રેકરમાં દેશબંધુ કોનેરુ હમ્પીને હરાવીને ટાઈટલ જીત્યું. દિવ્યા મહિલા ચેસ વર્લ્ડ કપનો ખિતાબ જીતનાર સૌથી નાની ઉંમરની ખેલાડી બની છે. તે ગ્રાન્ડમાસ્ટર પણ બની છે. દિવ્યા ગ્રાન્ડમાસ્ટર બનનારી ભારતની 88મી ખેલાડી છે. ઓલ ઈન્ડિયા ફાઈનલમાં, દિવ્યાએ કોનેરુ હમ્પીને 2.5-1.5થી હરાવી. તેણે રેપિડ ગેમનો પહેલો રાઉન્ડ ડ્રો કર્યો જ્યારે તેણે બીજો રેપિડ રાઉન્ડ જીત્યો હતો. દિવ્યા વર્લ્ડ ચેમ્પિયન બનનારી પ્રથમ ભારતીય મહિલા ખેલાડી છે.
દેશની ઉભરતી ખેલાડી દિવ્યા દેશમુખે સોમવારે FIDE મહિલા વર્લ્ડ કપ ફાઈનલની બીજી ગેમમાં તેની ઉચ્ચ ક્રમાંકિત ગ્રાન્ડમાસ્ટર અને દેશબંધુ કોનેરુ હમ્પીને કોઈ તક આપ્યા વિના ડ્રો રમવા માટે મજબૂર કરી. શનિવારે ફાઈનલની પહેલી ગેમમાં તેની શાનદાર શરૂઆતનો સંપૂર્ણ લાભ લેવામાં નિષ્ફળ રહેલી દિવ્યાએ બીજી ગેમમાં વધુ સારું પ્રદર્શન કર્યું.
આ સમય દરમિયાન, તે અનુભવી હમ્પીની દરેક ચાલનો યોગ્ય જવાબ આપવામાં સફળ રહી. હમ્પીએ પોતાનો એક પ્યાદો ગુમાવ્યા બાદ દિવ્યાને ફસાવીને મેચ પર પ્રભુત્વ મેળવવાનો પ્રયાસ કર્યો, પરંતુ આ દરમિયાન તેણે તેના બંને બિશપ (ઊંટ અથવા રાણી) ગુમાવી દીધા. આનાથી યુવા ભારતીય ખેલાડીને એક પ્યાદાના ફાયદા સાથે વાપસી કરવાની તક મળી.
ફાઈનલનો બીજો રાઉન્ડ 34 ચાલ પછી ડ્રો થયો
ફાઈનલના બીજા રાઉન્ડમાં 34 ચાલ પછી દિવ્યા દેશમુખ અને કોનેરુ હમ્પીએ મેચને ડ્રો પર સમાપ્ત કરવાનો નિર્ણય લીધો. ટાઈબ્રેકરમાં 15-15 મિનિટની બે રમતો હતી. જેમાં દરેક ચાલ પછી 10 સેકન્ડ ઉમેરવામાં આવી હતી.
