'ગાર્ડનમાં ફરવાની મનાઈ કરી તો...' ધ્રુવ જુરેલે રોહિત શર્માની વાત પર કરી મજાક, વાયરલ થઈ પોસ્ટ
હાલમાં જ ટીમ ઈન્ડિયાની યુવા બ્રિગેડે શાનદાર સિરીઝ રમી હતી. ભારતીય ટીમ T20 વર્લ્ડ કપ 2024 પછી પ્રથમ T20 દ્વિપક્ષીય
હાલમાં જ ટીમ ઈન્ડિયાની યુવા બ્રિગેડે શાનદાર સિરીઝ રમી હતી. ભારતીય ટીમ T20 વર્લ્ડ કપ 2024 પછી પ્રથમ T20 દ્વિપક્ષીય સિરીઝ રમવા માટે ઝિમ્બાબ્વે ગઈ હતી. આ T20 સિરીઝ પાંચ મેચોની હતી, જેના માટે એક યુવા ભારતીય ટીમ મોકલવામાં આવી હતી. આ ભારતીય યુવા ટીમનો કેપ્ટન શુભમન ગિલ હતો. શુભમન ગિલની કપ્તાનીમાં ભારતીય ટીમે આ સિરીઝ 4-1થી જીતી હતી.
હાલમાં જ આ ટીમના યુવા ખેલાડી ધ્રુવ જુરેલે તેના ઇન્સ્ટાગ્રામ પર એક ફોટો શેર કર્યો છે. જેમાં તેણે રોહિત શર્માના ગાર્ડનમાં ફરવાની કમેન્ટ પર ફની કેપ્શન લખ્યું છે. ફેન્સ આ ફોટો પર ઘણી પ્રતિક્રિયા આપી રહ્યા છે.
રોહિત શર્માએ મેદાન પર ચેતવણી આપી હતી
ભારતીય ટીમનો કેપ્ટન રોહિત શર્મા તેના શાંત સ્વભાવ માટે જાણીતો છે. પરંતુ ક્યારેક તે મેદાન પર ખેલાડીઓ પર ગુસ્સે પણ થઈ જાય છે. ઈંગ્લેન્ડ ટેસ્ટ સિરીઝ દરમિયાન રોહિત શર્માએ યુવા ખેલાડીઓને ચેતવણી આપી હતી કે કોઈ ગાર્ડનમાં નહીં ફરે. એટલે કે કોઈ મસ્તી નહીં કરે. તેની આ કમેન્ટ સ્ટમ્પ માઈકમાં કેદ થઈ ગઈ હતી અને તેની ઘણી ચર્ચા થઈ હતી.
જોકે, હિટમેનને ઓળખનારા ખેલાડીઓ પણ જાણે છે કે તેનો ગુસ્સો માત્ર મેદાન પૂરતો જ સીમિત છે, મેદાનની બહાર તે ખૂબ જ ખુશખુશાલ વ્યક્તિ છે. આવી સ્થિતિમાં હવે તેના સાથી ખેલાડીઓએ તેની ચેતવણીનો ઉકેલ શોધી કાઢ્યો છે.
ભારતીય ટીમનો ઝિમ્બાબ્વે પ્રવાસ તાજેતરમાં પૂરો થયો છે. આ પ્રવાસમાંથી પરત ફરતી વખતે વિકેટકીપર બેટ્સમેન ધ્રુવ જુરેલે તેના ઇન્સ્ટાગ્રામ એકાઉન્ટ પર કેટલીક તસવીરો શેર કરી છે. જુરેલની સાથે અભિષેક શર્મા, ખલીલ અહેમદ, રવિ બિશ્નોઈ અને આવેશ ખાન પણ છે. આ તમામ ખેલાડીઓ એરપોર્ટ પર બેઠેલા જોવા મળે છે. ફોટો શેર કરતી વખતે ધ્રુવ જુરેલે કેપ્શનમાં લખ્યું છે - "ગાર્ડનમાં જવાની મનાઈ કરી, તો એરપોર્ટ પર ફરવા આવી ગયા."
