'પુજારા અમને ખૂબ જ પરેશાન કરતો...', ભૂતપૂર્વ ઓસ્ટ્રેલિયન કેપ્ટન ટિમ પેનનું દર્દ છલકાયું
છેલ્લું અપડેટ : 22 Sept 2026
ભારત સામેની પોતાની ભૂતકાળની મેચોને યાદ કરતા, ભૂતપૂર્વ ઓસ્ટ્રેલિયન ટેસ્ટ કેપ્ટન ટિમ પેને ચેતેશ્વર પૂજારા વિશે એક મોટું નિવેદન આપ્યું. પેને કહ્યું કે પુજારાને આઉટ કરવો ઓસ્ટ્રેલિયન ટીમ માટેખૂબ જ મુશ્કેલ હતું અને તેમની બેટિંગ હંમેશા ટીમને મુશ્કેલીમાં મુકતી હતી.
પેન હાલમાં ઓસ્ટ્રેલિયા A ટીમના સપોર્ટ સ્ટાફનો ભાગ છે. પુડુચેરીમાં ઓસ્ટ્રેલિયા A અને ઈન્ડિયા A વચ્ચેની ચાર દિવસીય મેચ શરૂ થાય તે પહેલા વાત કરતા, તેણે ઈન્ડિયાના A પ્રવાસના મહત્ત્વ વિશે ચર્ચા કરી.
તે કહે છે કે યુવા ઓસ્ટ્રેલિયન ખેલાડીઓ માટે ભારતીય પરિસ્થિતિઓમાં રમવાનો શક્ય તેટલો વધુ અનુભવ મેળવવો મહત્ત્વપૂર્ણ છે, કારણ કે આગામી બોર્ડર-ગાવસ્કર ટ્રોફી જાન્યુઆરી અને માર્ચ 2027 વચ્ચે રમાનારી છે.
'પુજારા અમને પરેશાન કરતો હતો'
જ્યારે પૂછવામાં આવ્યું કે તેની કેપ્ટનશીપ હેઠળ કયા ભારતીય બેટ્સમેનને આઉટ કરવા સૌથી મુશ્કેલ હતા, ત્યારે પેને ખચકાટ વિના ચેતેશ્વર પૂજારાનું નામ લીધું.
પેને પૂજારાની બેટિંગ શક્તિને ઉત્તમ એકાગ્રતા અને શિસ્ત તરીકે વર્ણવી હતી અને તે વિકેટ પર ટકી રહેવા માટે જાણીતો હતો. ઓસ્ટ્રેલિયન ટીમે સતત તેને આઉટ કરવાનો પ્રયાસ કર્યો, પરંતુ પૂજારા ક્યારેય સરળતાથી વિકેટ નહતો આપતો.
પેનના મતે, ઓસ્ટ્રેલિયન બોલર્સે આખરે પૂજારા સામે સફળતા મેળવી અને પેટ કમિન્સે તેને પાછળ કેચ કરીને આઉટ કરવાનો રસ્તો શોધી કાઢ્યો.
ટિમ પેને ગાબ્બા ટેસ્ટમાં રિષભ પંતની યાદગાર ઈનિંગને પણ યાદ કરી. તેણે કહ્યું કે પંતના ઓસ્ટ્રેલિયા પ્રત્યેના આક્રમક અને આત્મવિશ્વાસપૂર્ણ અભિગમે ઓસ્ટ્રેલિયન બોલર્સ પર દબાણ બનાવ્યું.
પેને કહ્યું કે પંતે ઉચ્ચ ગુણવત્તાવાળા બોલર્સ સામે આક્રમક ક્રિકેટ રમીને મેચનો માર્ગ બદલી નાખ્યો. તેણે યુવા ઓસ્ટ્રેલિયન ખેલાડીઓને પણ એવો જ આત્મવિશ્વાસ વિકસાવવા વિનંતી કરી.
2027 બોર્ડર-ગાવસ્કર ટ્રોફી પર પણ બોલ્યો
પેને કહ્યું કે આગામી બોર્ડર-ગાવસ્કર ટ્રોફી ઓસ્ટ્રેલિયા માટે ખૂબ જ મહત્ત્વપૂર્ણ રહેશે. તેણે સ્વીકાર્યું કે ઓસ્ટ્રેલિયાની બેટિંગમાં તાજેતરના સમયમાં એટલા રન નથી આવ્યા જેટલા ટીમ બનાવવા માંગતી હતી, પરંતુ ટીમ પાસે હજુ પણ ઘણા ઉત્તમ ખેલાડીઓ છે. તેણે એમ પણ કહ્યું કે ઓસ્ટ્રેલિયન ટીમ ભારતના પ્રવાસ માટે સારી તૈયારી કરશે.