T20 World Cup 2026 / સાઉથ આફ્રિકા સામેની હાર બાદ ગંભીર-સૂર્યા પર ભડક્યો અશ્વિન, આ બાબતને ગણાવી બ્લંડર
છેલ્લું અપડેટ : 23 Feb 2026
સાઉથ આફ્રિકાએ T20 વર્લ્ડ કપ 2026માં ટીમ ઈન્ડિયાને પહેલી હાર આપી હતી. સુપર-8ની શપ્રથમ મેચમાં ભારતનો કારમો પરાજય થયો હતો. સાઉથ આફ્રિકાએ તેને 76 રનથી હરાવ્યું અને હવે ભારતનું નસીબ સંપૂર્ણપણે તેના નિયંત્રણ બહાર છે. વાઈસ-કેપ્ટન અક્ષર પટેલને પ્લેઈંગ ઈલેવનમાંથી બહાર કરવામાં આવ્યો અને તેની જગ્યાએ વોશિંગ્ટન સુંદરનો સમાવેશ કરવામાં આવ્યો. સુંદરનું પ્રદર્શન ખાસ નહતું રહ્યું. ભારતની હાર બાદ ભૂતપૂર્વ ક્રિકેટર રવિચંદ્રન અશ્વિન ટીમ મેનેજમેન્ટ પર ભડક્યો હતો.
ભારતની હાર બાદ આર અશ્વિને ગુસ્સે ભરાયા
અશ્વિને તેની યુટ્યુબ ચેનલ પર ભારતની હાર વિશે વાત કરી હતી. ગૌતમ ગંભીર અને સૂર્યકુમાર યાદવે અક્ષરને બદલે વોશિંગ્ટન સુંદરનો સમાવેશ કર્યો હતો. અશ્વિન આનાથી ગુસ્સે થયો અને અક્ષરની ગેરહાજરીને ટીમ ઈન્ડિયા દ્વારા મોટી ભૂલ ગણાવી. ભૂતપૂર્વ ભારતીય ક્રિકેટરે કહ્યું, "જ્યારે લાંબી IPL સિઝનની વાત આવે છે, ત્યારે હું સંમત છું કે રોટેશન અર્થપૂર્ણ છે, પરંતુ ICC વર્લ્ડ કપમાં સ્થિરતા સર્વોપરી છે."
અશ્વિને આગળ કહ્યું, "હા, તમે લેફટી બેટ્સમેનો માટે વોશિંગ્ટન સુંદરને ટીમમાં લાવ્યા છો, પરંતુ તમારે યાદ રાખવું પડશે કે અક્ષર પટેલ ભારતના T20 ક્રિકેટમાં સૌથી મહત્ત્વપૂર્ણ ખેલાડી રહ્યો છે. આપણે તેણે શું કર્યું છે તે ન ભૂલવું જોઈએ. ગયા વર્લ્ડ કપમાં સાઉથ આફ્રિકા સામે ભારત આવી જ સ્થિતિમાં હતું અને અક્ષર પટેલ તે ક્ષણે ટીમ માટે ઉભા રહ્યો હતો."
વોશિંગ્ટન કે અક્ષર, T20 વર્લ્ડ કપ 2026માં કોનું પ્રદર્શન સારું રહ્યું?
વોશિંગ્ટન સુંદરે અત્યાર સુધી T20 વર્લ્ડ કપમાં બે મેચ રમી છે, જ્યારે અક્ષર પટેલે ત્રણમાં ભાગ લીધો છે. અક્ષરનું પ્રદર્શન સુંદર કરતા ઘણું સારું રહ્યું છે. સુંદર તેની બે મેચમાં વિકેટલેસ રહ્યો, જ્યારે અક્ષરે 3 મેચમાં છ વિકેટ લીધી હતી. સ્પષ્ટપણે, અક્ષરની બોલિંગ વધુ પ્રભાવશાળી રહી છે. તેથી, સુંદર માટે અક્ષરથી આગળ રમવું યોગ્ય ન હતું.
