2025નું પહેલું સૂર્યગ્રહણ ક્યારે થશે, જાણો તેની શરૂઆતનો સમય

નવું વર્ષ શરૂ થતાંની સાથે જ લોકો વ્રત અને તહેવારોની સાથે ગ્રહણ વિશે જાણવા માટે ઉત્સુક હોય છે. ગ્રહણ એ દર વર્ષે બનતી મહત્વની ખગોળીય ઘટનાઓમાંની એક છે. વર્ષ 2025માં 4 ગ્રહણ થવાના છે, જેમાંથી 2 સૂર્યગ્રહણ અને 2 ચંદ્રગ્રહણ હશે.

સૂર્યગ્રહણ હંમેશા વૈજ્ઞાનિક, જ્યોતિષ અને ધાર્મિક દ્રષ્ટિકોણથી ચર્ચામાં રહે છે. વર્ષ 2025માં થનારા પ્રથમ સૂર્યગ્રહણને લઈને ઘણી શક્યતાઓ વ્યક્ત કરવામાં આવી રહી છે.

કેટલાક લોકોનું માનવું છે કે વર્ષ 2025નું પ્રથમ સૂર્યગ્રહણ ખતરનાક હશે, જ્યારે વૈજ્ઞાનિકોનો આ અંગે અલગ મત છે. વર્ષનું પ્રથમ સૂર્યગ્રહણ ખતરનાક હશે કે નહીં તે તો સમય જ કહેશે, પરંતુ આ સૂર્યગ્રહણ 12 અલગ-અલગ રાશિઓ પર ચોક્કસથી જોઈ શકાશે.

આ પણ વાંચો: સૂર્યોદય પહેલા ઘરની છત પર નાખી દો આ વસ્તુ, ઘરના દરેક દુ:ખ થઈ જશે દૂર

નવા વર્ષ 2025નું પ્રથમ સૂર્યગ્રહણ હિન્દુ નવા વર્ષના એક દિવસ પહેલા થવાનું છે. વર્ષ 2025 માં, હિન્દુ નવું વર્ષ 30 માર્ચ 2025 થી શરૂ થશે. હિંદુ નવા વર્ષનો પહેલો મહિનો ચૈત્ર મહિનો છે, જેને ગુડી પડવા તરીકે પણ ઓળખવામાં આવે છે.

વર્ષ 2025નું પ્રથમ સૂર્યગ્રહણ 29 માર્ચ 2025ના રોજ થશે. આ સૂર્યગ્રહણ આંશિક હશે, પરંતુ આ ગ્રહણ ભારતમાં દેખાશે નહીં. ભારતીય સમય અનુસાર, આ આંશિક સૂર્યગ્રહણ 29 માર્ચે બપોરે 2:20 વાગ્યે શરૂ થશે અને સાંજે 6:13 વાગ્યે સમાપ્ત થશે.

વર્ષ 2025નું પ્રથમ સૂર્યગ્રહણ ઉત્તર અમેરિકા, આઇસલેન્ડ, ગ્રીનલેન્ડ, ઉત્તર એટલાન્ટિક મહાસાગર, યુરોપ અને ઉત્તર-પશ્ચિમ રશિયામાં દેખાશે. વર્ષ 2025નું બીજું સૂર્યગ્રહણ 21-22 સપ્ટેમ્બરના રોજ થવાની સંભાવના છે. આ સૂર્યગ્રહણ પણ આંશિક સૂર્યગ્રહણ હશે. ભારતીય સમય અનુસાર, આ આંશિક સૂર્યગ્રહણ 21 સપ્ટેમ્બરે રાત્રે 10:59 વાગ્યે શરૂ થશે અને સવારે 3:23 વાગ્યે સમાપ્ત થશે.

નોંધ: આ લેખમાં આપવામાં આવેલી તમામ માહિતી વિવિધ સ્રોતો જેવા કે - પંચાંગો/ ઉપદેશો/ ધાર્મિક માન્યતાઓ/જ્યોતિષીઓ/ શાસ્ત્રોમાંથી સંકલિત કરવામાં આવી છે અને તમને પ્રસારિત કરવામાં આવી છે. અમારો હેતુ માત્ર માહિતી પૂરી પાડવાનો છે. GSTV આની પુષ્ટિ નથી કરતું. તેના માટે કોઈ નિષ્ણાતનું માર્ગદર્શન લેવું.