દિવાળીમાં લક્ષ્મી-ગણેશની કૃપા પ્રાપ્ત કરવા માટે આ દિશામાં કરો સ્થાપના, બધી જ ઈચ્છા થશે પૂર્ણ

દર વર્ષે કારતક મહિનાની વદ અમાસના દિવસે દિવાળીનો તહેવાર ખૂબ જ ઉત્સાહ સાથે ઉજવવામાં આવે છે. એવી ધાર્મિક માન્યતા છે કે, દિવાળી પર દેવી લક્ષ્મી અને ભગવાન ગણેશની પૂજા કરવાથી ઘરમાં સુખ-શાંતિ આવે છે. આર્થિક લાભ થવાની પણ શક્યતાઓ છે. આ સિવાય વ્યક્તિ અને તેના પરિવારને સુખ અને સમૃદ્ધિ પ્રાપ્ત થાય છે. પૂજા દરમિયાન, વાસ્તુશાસ્ત્રમાં જણાવેલ નિયમોનું પાલન કરવું જોઈએ. એવું માનવામાં આવે છે કે, દિવાળીની પૂજા દરમિયાન વાસ્તુના નિયમોનું પાલન કરવાથી વ્યક્તિને દેવી લક્ષ્મીની કૃપા પ્રાપ્ત થાય છે. પૂજા દરમિયાન દેવી લક્ષ્મી અને ભગવાન ગણેશની મૂર્તિઓ શુભ દિશામાં રાખવી જોઈએ. તેનાથી વ્યક્તિને પૂજાનું સંપૂર્ણ ફળ મળે છે. આ લેખમાં અમે તમને જણાવીશું કે દિવાળીની પૂજા કરવા માટે કઈ દિશા શુભ છે.

આ દિશામાં કરો પૂજા

દિવાળીની પૂજા દરમિયાન દિશાનું ખાસ ધ્યાન રાખો. એવું માનવામાં આવે છે કે, ખોટી દિશા પસંદ કરવાથી વ્યક્તિ શુભ પરિણામોથી વંચિત રહે છે. વાસ્તુશાસ્ત્ર અનુસાર માતા લક્ષ્મી અને ભગવાન ગણેશની ઉત્તર અથવા પૂર્વ દિશામાં પૂજા કરવી શુભ માનવામાં આવે છે. તેનાથી વ્યક્તિની તમામ મનોકામનાઓ પૂર્ણ થાય છે અને દેવી લક્ષ્મી પ્રસન્ન થાય છે.

આ મૂર્તિ કરો પસંદ 

પૂજા સમયે લક્ષ્મી અને ભગવાન ગણેશની મૂર્તિ લગાવો, પરંતુ એક વાતનું ધ્યાન રાખો કે, મૂર્તિ ક્યાંય પણ ન તુટવી જોઈએ. દેવી લક્ષ્મીની મૂર્તિ વરદાન મુદ્રામાં હોવી જોઈએ.  વાસ્તુશાસ્ત્ર અનુસાર ભગવાન ગણેશની એવી મૂર્તિ પસંદ કરો જેમાં તેમની સૂંઢ ડાબી તરફ વળેલી હોય.

આ બાબતો ધ્યાનમાં રાખો

• જો મંદિરમાં જૂના ફૂલો રાખ્યા હોય તો દિવાળીની પૂજા પહેલા તેને ત્યાંથી કાઢીને વહેતા પાણીમાં પ્રવાહિત કરી દો.
• દિવાળી દરમિયાન ઘરની સ્વચ્છતાનું ખાસ ધ્યાન રાખો. એવું માનવામાં આવે છે કે, દેવી લક્ષ્મીનો વાસ માત્ર સ્વચ્છ જગ્યાએ જ હોય છે.
• ધનતેરસથી ભાઈબીજ સુધી સાંજે દીવા પ્રગટાવવા જોઈએ. આવું કરવું ખૂબ જ શુભ માનવામાં આવે છે.
• એક ધાર્મિક માન્યતા છે કે દીવો પ્રગટાવવાથી વ્યક્તિના જીવનમાં સુખ, સમૃદ્ધિ અને શાંતિ આવે છે.

નોંધ:- આ લેખમાં આપવામાં આવેલી તમામ માહિતી વિવિધ સ્રોતો જેવા કે - પંચાંગો/ ઉપદેશો/ ધાર્મિક માન્યતાઓ/જ્યોતિષીઓ/ શાસ્ત્રોમાંથી સંકલિત કરવામાં આવી છે અને તમને પ્રસારિત કરવામાં આવી છે. અમારો હેતુ માત્ર માહિતી પૂરી પાડવાનો છે. GSTV આની પુષ્ટિ નથી કરતું. તેના માટે કોઈ નિષ્ણાતનું માર્ગદર્શન લેવું.