માર્ગશીર્ષ પૂર્ણિમાના દિવસે આ મંત્રના જાપથી શ્રી હરિની અનંત કૃપા મળે છે

પૂર્ણિમાના દિવસે વિશ્વના રક્ષક શ્રી હરિ વિષ્ણુની પૂજા કરવામાં આવે છે. દર વર્ષે માર્ગશીર્ષ મહિનામાં આવતી પૂર્ણિમાનો દિવસ (માર્ગશીર્ષ પૂર્ણિમા) ખૂબ જ વિશેષ માનવામાં આવે છે. આ દિવસે ભગવાન વિષ્ણુની સાથે દેવી લક્ષ્મી અને ચંદ્રની પૂજા કરવાથી જીવનમાં ખુશીઓ આવે છે.

તેને આગાહન પૂર્ણિમા, મોક્ષદાયિની પૂર્ણિમા અને બત્તીસી પૂર્ણિમા તરીકે ઓળખવામાં આવે છે. ધાર્મિક માન્યતા અનુસાર, આ તિથિએ કરવામાં આવેલા દાન અને શુભ કાર્યોનું પરિણામ અન્ય પૂર્ણિમાના દિવસો કરતાં બત્રીસ ગણું વધારે હોય છે.

આ પણ વાંચો : 43,000 કરોડની સંપત્તિ ત્યાગી, આ ટેલિકોમ દિગ્ગજનો પુત્ર બન્યો ભગવાન બુદ્ધનો સંન્યાસી

હિંદુ વૈદિક કેલેન્ડર મુજબ, વર્ષના છેલ્લા મહિનાની પૂર્ણિમા તિથિ એટલે કે માર્ગશીર્ષ મહિના શનિવાર, 14 ડિસેમ્બરે સાંજે 4:58 વાગ્યે શરૂ થશે અને તારીખ 15 ડિસેમ્બર, રવિવારે બપોરે 2:31 વાગ્યે સમાપ્ત થશે. જે મુજબ 15મી ડિસેમ્બરે પૂર્ણિમા તિથિનું વ્રત રાખવામાં આવશે. 15 ડિસેમ્બરે સાંજે 5:14 કલાકે ચંદ્રોદય થશે.

માર્ગશીર્ષ પૂર્ણિમાના દિવસે વ્રત કરવા માટે સવારે ઊઠીને સ્નાન કરવું. આ દિવસે પવિત્ર નદીઓમાં સ્નાન કરવું ખૂબ જ શુભ માનવામાં આવે છે, પરંતુ જો તે શક્ય ન હોય તો તમે નહાવાના પાણીમાં ગંગા જળ ઉમેરીને સ્નાન કરી શકો છો. આ પછી ઘરના મંદિરને સાફ કરો. તે પછી ઘરના મંદિરમાં દીવો પ્રગટાવો અને વ્રતની પ્રતિજ્ઞા લો. તે પછી તમામ દેવી-દેવતાઓને ગંગા જળથી અભિષેક કરો. ત્યારબાદ વિધિ-વિધાન પ્રમાણે ભગવાન વિષ્ણુ અને માતા લક્ષ્મીની પૂજા કરો. તે પછી શ્રી હરિને અર્પણ કરો જેમાં તુલસીનો સમાવેશ કરવો જોઈએ.

ભોગ ચઢાવ્યા પછી ભગવાન વિષ્ણુ અને માતા લક્ષ્મીની આરતી કરો. પછી સાંજે ચંદ્રોદય પછી ચંદ્રની પૂજા કરો અને અર્ઘ્ય ચઢાવો. એવું માનવામાં આવે છે કે આ કરવાથી વ્યક્તિને તમામ દોષોથી મુક્તિ મળે છે. પૂજા કર્યા પછી આ દિવસે દાન કરો.

આ પણ વાંચો : ભારતીય મૂળના આ બાળકનો IQ આલ્બર્ટ આઈન્સ્ટાઈન કરતા પણ વધું

ॐ श्रां श्रीं श्रौं सः चंद्राय नमः
या रक्ताम्बुजवासिनी विलासिनी चण्डांशु तेजस्विनी। या रक्ता रुधिराम्बरा हरिसखी या श्री मनोल्हादिनी॥
शान्ताकारं भुजगशयनं पद्मनाभं सुरेशं विश्वाधारं गगनसदृशं मेघवर्ण शुभाङ्गम् । लक्ष्मीकान्तं कमलनयनं योगिभिर्ध्यानगम्यम् वन्दे विष्णुं भवभयहरं सर्वलोकैकनाथम्

ધાર્મિક માન્યતાઓ અનુસાર વિધિ પ્રમાણે ભગવાન વિષ્ણુ અને માતા લક્ષ્મીની પૂજા કરવાથી અને માર્ગશીર્ષ પૂર્ણિમાના દિવસે ઉપવાસ કરવાથી જીવનમાં સુખ-શાંતિ આવે છે. આ સિવાય વ્યક્તિની તમામ મનોકામનાઓ પૂર્ણ થાય છે અને તે દરેક ક્ષેત્રમાં સફળતા પ્રાપ્ત કરે છે.

નોંધ:-  આ લેખમાં આપવામાં આવેલી તમામ માહિતી વિવિધ સ્રોતો જેવા કે - પંચાંગો/ ઉપદેશો/ ધાર્મિક માન્યતાઓ/જ્યોતિષીઓ/ શાસ્ત્રોમાંથી સંકલિત કરવામાં આવી છે અને તમને પ્રસારિત કરવામાં આવી છે. અમારો હેતુ માત્ર માહિતી પૂરી પાડવાનો છે. GSTV આની પુષ્ટિ નથી કરતું. તેના માટે કોઈ નિષ્ણાતનું માર્ગદર્શન લેવું.