શ્રીકૃષ્ણ જન્માષ્ટમી વ્રત: જાણો પૂજાવિધિ, પારણાંનો સમય અને ઉપવાસ દરમિયાન ધ્યાનમાં રાખવાના મહત્વપૂર્ણ નિયમો

દર વર્ષે શ્રાવણ/ભાદ્રપદ વદ આઠમ (કૃષ્ણ પક્ષની અષ્ટમી) તિથિએ કૃષ્ણ જન્માષ્ટમીનો પાવન પર્વ હર્ષોલ્લાસ સાથે ઉજવવામાં આવે છે. પૌરાણિક માન્યતા અનુસાર, રોહિણી નક્ષત્રમાં મધ્યરાત્રિએ ભગવાન શ્રીકૃષ્ણનો જન્મ થયો હતો. હિન્દુ ધર્મમાં જન્માષ્ટમીના વ્રતનો અનેરો મહિમા છે. એવું માનવામાં આવે છે કે જે ભક્ત શ્રદ્ધા અને પૂર્ણ નિયમો સાથે આ વ્રત કરે છે, તેના જીવનના સર્વ સંકટો દૂર થાય છે અને મનોકામનાઓ પૂર્ણ થાય છે.

આ પણ વાંચો :

VIDEO: સાક્ષાત શ્રીકૃષ્ણનું હૃદય આજે પણ ધબકે છે? જાણો પ્રભુ જગન્નાથની મૂર્તિ બદલવાની 'નવકલેવર' પ્રથા

VIDEO: EVENING BULLETIN / 500થી વધુ રોહિંગ્યા શરણાર્થીઓ ડૂબ્યા હોવાની આશંકા, અમેરિકામાં ભારતીય પર હુમલો, મૌલાનાએ શ્રીકૃષ્ણ અંગે આપ્યું વિવાદાસ્પદ નિવેદન

કેટલાક ભક્તો મધ્યરાત્રિએ 12 વાગ્યે કાન્હાના જન્મોત્સવ અને પૂજા-આરતી પછી ફળાહાર કરીને વ્રત ખોલે છે, જ્યારે કેટલાક ભક્તો બીજા દિવસે સૂર્યોદય પછી વિધિવત્ પારણાં કરીને વ્રત પૂર્ણ કરે છે. આ વ્રતમાં અન્ન ગ્રહણ કરવાની મનાઈ હોય છે.

જન્માષ્ટમી વ્રત અને પૂજાવિધિ

• સંકલ્પ: વ્રતના દિવસે સૂર્યોદય પહેલાં ઊઠી, સ્નાન વગેરે નિત્યકર્મથી પરવારીને સ્વચ્છ વસ્ત્રો ધારણ કરો અને હાથમાં જળ રાખી વ્રતનો સંકલ્પ લો.

• શણગાર: દિવસ દરમિયાન ઘરના મંદિરને સુશોભિત કરો અને ભગવાન શ્રીકૃષ્ણના બાળસ્વરૂપ લાડુ ગોપાલજીને પંચામૃતથી સ્નાન કરાવી સુંદર વસ્ત્રો, મુગટ અને મોરપીંછથી શણગારો.

• જન્મોત્સવ અને પૂજા: મધ્યરાત્રિએ બરાબર 12:00 વાગ્યે કાન્હાના પ્રાગટ્યની ઉજવણી કરો. લાડુ ગોપાલજીને પારણામાં ઝુલાવો અને વિધિવત્ પૂજા-અર્ચના કરો.

• ભોગ અને આરતી: પ્રભુને માખણ-મિશ્રી, પંજરી, પંચામૃત અને તુલસીપત્રનો પ્રિય ભોગ અર્પણ કરો. ત્યારબાદ કપૂર અને દીપ પ્રગટાવી પ્રેમપૂર્વક શ્રીકૃષ્ણની આરતી કરો.

• પ્રસાદ વિતરણ: આરતી બાદ પરિવારજનો અને ભક્તોમાં પ્રસાદ વહેંચો અને વ્રતના નિયમ અનુસાર ફળાહાર ગ્રહણ કરો.

આ પણ વાંચો :

VIDEO: જ્યારે શ્રીકૃષ્ણે શિવજી પાસે માંગ્યા હતાં આ 8 વરદાન! જાણો હિમાલયની કઠોર તપસ્યાનું રહસ્ય

શ્રીકૃષ્ણ જન્માષ્ટમી: કાનુડાના 108 પવિત્ર નામો અને તેના અર્થ, જેના જાપ માત્રથી દૂર થશે તમામ કષ્ટો

કૃષ્ણ જન્માષ્ટમી વ્રતના મુખ્ય નિયમો

1. સાત્વિકતા અને બ્રહ્મચર્ય: ઉપવાસ રાખનાર વ્યક્તિએ પૂર્ણ પવિત્રતા અને બ્રહ્મચર્યના નિયમોનું ચુસ્ત પાલન કરવું જોઈએ.

2. અન્નત્યાગ: વ્રત દરમિયાન અનાજ, લસણ-ડુંગળી કે તામસિક ભોજન લેવું નહીં; માત્ર ફળાહાર, દૂધ કે જળાહાર જ લઈ શકાય.

3. દિવસ દરમિયાન ઊંઘ ટાળવી: વ્રતના દિવસે દિવસે ઊંઘવાનું ટાળવું જોઈએ અને સમય પ્રભુ ભક્તિ, નામસ્મરણ તથા કીર્તનમાં વિતાવવો જોઈએ.

4. વાણી પર સંયમ: કોઈપણ પ્રકારના વાદ-વિવાદ, ગુસ્સો, નિંદા કે અસત્ય બોલવાથી દૂર રહેવું.

5. ગૌસેવા: શ્રીકૃષ્ણને ગાયો અતિ પ્રિય હોવાથી આ દિવસે ગાયને ઘાસ કે ગોળ ખવડાવવો અત્યંત પુણ્યશાળી માનવામાં આવે છે.

6. દાન-પુણ્ય: આ પવિત્ર દિવસે ગરીબ કે જરૂરિયાતમંદ લોકોને અન્ન, વસ્ત્ર કે યથાશક્તિ દાન કરવું ઉત્તમ ગણાય છે.

નોંધ:-   આ લેખમાં આપવામાં આવેલી તમામ માહિતી વિવિધ સ્રોતો જેવા કે - પંચાંગો/ ઉપદેશો/ ધાર્મિક માન્યતાઓ/જ્યોતિષીઓ/ શાસ્ત્રોમાંથી સંકલિત કરવામાં આવી છે અને તમને પ્રસારિત કરવામાં આવી છે. અમારો હેતુ માત્ર માહિતી પૂરી પાડવાનો છે. GSTV આની પુષ્ટિ નથી કરતું. તેના માટે કોઈ નિષ્ણાતનું માર્ગદર્શન લેવું.