ભગવાન મહાવીરના આ 5 ઉપદેશનું કરો પાલન, તમને મળશે મોક્ષ
જૈન ધર્મના લોકો માટે મહાવીર જયંતિનો તહેવાર ખૂબ જ વિશેષ છે. મહાવીર જયંતિ દર વર્ષે ચૈત્ર માસના શુક્લ પક્ષની ત્ર
જૈન ધર્મના લોકો માટે મહાવીર જયંતિનો તહેવાર ખૂબ જ વિશેષ છે. મહાવીર જયંતિ દર વર્ષે ચૈત્ર માસના શુક્લ પક્ષની ત્રયોદશી તિથિએ ઉજવવામાં આવે છે. આ વર્ષે મહાવીર જયંતિ 21મી એપ્રિલેના રોજ છે.
આ દિવસ ભગવાન મહાવીરની જન્મજયંતિ તરીકે પણ ઉજવવામાં આવે છે. હિંદુ પંચાંગ મુજબ મહાવીર સ્વામીનો જન્મ ચૈત્ર મહિનાની 13મી તારીખે થયો હતો. એવું કહેવાય છે કે મહાવીર સ્વામીનો જન્મ ઇસ્વિસન પૂર્વે 599 આસપાસ કુંડગ્રામ/કુંડલપુર, બિહારના રાજવી પરિવારમાં થયો હતો. તેમનું બાળપણનું નામ વર્ધમાન હતું. 30 વર્ષની ઉંમરે તેમણે ગાદીનો ત્યાગ કર્યો, સન્યાસ લીધો અને આધ્યાત્મિકતાના માર્ગને અનુસર્યો.
મહાવીર જયંતિ પર જૈન લોકો શું કરે છે?
જૈન ધર્મ માને છે કે 12 વર્ષની સખત મૌન તપસ્યા અને જપ પછી ભગવાન મહાવીરે તેમની ઇન્દ્રિયો પર સંપૂર્ણ વિજય મેળવ્યો હતો. તેઓ નિર્ભય, સહિષ્ણુ અને અહિંસક હોવાને કારણે તેમનું નામ મહાવીર રાખવામાં આવ્યું. 72 વર્ષની ઉંમરે તેમણે પાવાપુરીમાંથી મોક્ષ મેળવ્યો હતો. મહાવીર જયંતિના દિવસે જૈન ધર્મના લોકો સવારની શોભાયાત્રા, અનુષ્ઠાન કરે છે
અને શોભા યાત્રા કાઢવામાં આવે છે. ત્યારબાદ સોના અને ચાંદીના કળશમાં મહાવીરજીની મૂર્તિનો જલાભિષેક કરવામાં આવે છે.
આ કારણે જૈન સંપ્રદાયના ગુરુઓ ભગવાન મહાવીરના ઉપદેશો જણાવે છે અને તેનું પાલન કરવાનું શીખવવામાં આવે છે. આ દિવસે દેશભરના જૈન મંદિરોમાં પૂજા કરવામાં આવે છે. આ દિવસે જૈન સમાજના લોકો સ્વામી મહાવીરના જન્મની ઉજવણી કરે છે અને શોભાયાત્રા પણ કાઢવામાં આવે છે. તેમણે વિશ્વને સત્ય અને અહિંસાના અનેક ઉપદેશો આપ્યા.
ભગવાન મહાવીરના પાંચ સિદ્ધાંતો:-
રાજવી શૈલી છોડી આધ્યાત્મિકતાનો માર્ગ અપનાવનાર ભગવાન મહાવીર સ્વામીએ જીવનભર માનવજાતને અંધકારમાંથી પ્રકાશ તરફ લઈ જવાનો માર્ગ બતાવ્યો. મહાવીર સ્વામીએ 5 મુખ્ય સિદ્ધાંતો આપ્યા હતા, જેને પંચશીલ સિદ્ધાંતો પણ કહેવામાં આવે છે.
સત્ય.
અહિંસા.
અસ્તેય એટલે ચોરી ન કરવી.
અપરિગ્રહ એટલે વિષયો અને વસ્તુઓ પ્રત્યે આસક્તિ ન રાખવી.
બ્રહ્મચર્યનું પાલન કરવું.
એક ધાર્મિક માન્યતા છે કે ભગવાન મહાવીરના આ 5 સિદ્ધાંતોનું પાલન કરવાથી વ્યક્તિ મોક્ષની પ્રાપ્તિ કરે છે.
