વિશ્વકર્મા જયંતિના દિવસે ભૂલથી પણ ન કરતા આ કામ, અટકી જશે વેપારની પ્રગતિ

વિશ્વકર્મા જયંતિ પર સાધનોની પૂજા કરવામાં આવે છે. ભગવાન વિશ્વકર્માની પૂજા કરવાથી વેપારમાં પ્રગતિ થાય છે. ભગવાન વિશ્વકર્માને નિર્માણ અને સૃષ્ટિના દેવતા કહેવામાં આવે છે. તેમને બ્રહ્માંડના પ્રથમ આર્કિટેક્ટ અને એન્જિનિયર પણ કહેવામાં આવે છે. ધાર્મિક કથાઓ અનુસાર, ભગવાન વિશ્વકર્મા બ્રહ્માના સાતમા પુત્ર છે. વિશ્વકર્મા જયંતિ અથવા વિશ્વકર્મા પૂજા માટે કારખાનાઓમાં ભગવાન વિશ્વકર્માની પૂજા કરવી મહત્ત્વપૂર્ણ છે. આ દિવસે લોકો વ્યવસાયમાં પ્રગતિ અને વૃદ્ધિ માટે તેમના સાધનો અને યંત્રોની પૂજા પણ કરે છે.

ક્યારે છે વિશ્વકર્મા પૂજા?

દર વર્ષે 17 સપ્ટેમ્બરે વિશ્વકર્મા પૂજાનો તહેવાર ઉજવવામાં આવે છે. કેલેન્ડર મુજબ, વિશ્વકર્મા જયંતિ તે દિવસે ઉજવવામાં આવે છે જે દિવસે સૂર્ય કન્યા રાશિમાં પ્રવેશ કરે છે. આ વર્ષે સૂર્ય ભગવાન 16 સપ્ટેમ્બરે સાંજે 07.50 કલાકે કન્યા રાશિમાં ગોચર કરશે. આવી સ્થિતિમાં ઉદયા તિથિએ એટલે કે 17 સપ્ટેમ્બર 2024ના રોજ વિશ્વકર્મા જયંતિ ઉજવવામાં આવશે.  ઉલ્લેખનીય છે કે, વિશ્વકર્મા પૂજાનો શુભ સમય સવારે 06:07થી બપોરે 01:53 સુધીનો છે. જેમાં તમે ભગવાન વિશ્વકર્માની પૂજા કરી શકો છો. શુભ મુહૂર્તમાં પૂજા કરવાથી વેપારમાં ખૂબ પ્રગતિ થશે. પરંતુ વિશ્વકર્મા પૂજાના દિવસે એવું કોઈ કામ ન કરવું જેનાથી વેપારમાં નુકસાન થાય.

વિશ્વકર્મા પૂજા દરમિયાન કયા કાર્યો ન કરવા જોઈએ?

• તમે તમારા કારખાનાઓમાં જે સાધનોનો ઉપયોગ કરો છો તેની વિશ્વકર્મા જયંતિના દિવસે પૂજા કરવી જોઈએ અને આ દિવસે તેનો ઉપયોગ કરવો નહીં.
• વિશ્વકર્મા પૂજાના દિવસે, તમારા ઓજારો, મશીનો અથવા કામની વસ્તુઓ અન્ય કોઈને ઉપયોગ માટે ન આપો..
• ભગવાન વિશ્વકર્માની પૂજા કરતી વખતે, મૂર્તિની પાસે તમારા સાધનો રાખવાનું ભૂલશો નહીં.
• પૂજા કરતા પહેલા ઓજારો અથવા મશીનોને સારી રીતે સાફ કરવાની ખાસ કાળજી લો.
• જો તમારી પાસે વાહન છે તો વિશ્વકર્મા પૂજાના દિવસે તમારા વાહનની પૂજા કરવાનું ભૂલશો નહીં.
• વિશ્વકર્મા પૂજાના દિવસે બ્રાહ્મણો અને ગરીબોને દાન કરવાનું ભૂલશો નહીં.
• જો તમે કારીગર છો તો વિશ્વકર્મા પૂજાના દિવસે કોઈપણ નવું મશીન બનાવવાનું ટાળો.

નોંધ:- આ લેખમાં આપવામાં આવેલી તમામ માહિતી વિવિધ સ્રોતો જેવા કે - પંચાંગો/ ઉપદેશો/ ધાર્મિક માન્યતાઓ/જ્યોતિષીઓ/ શાસ્ત્રોમાંથી સંકલિત કરવામાં આવી છે અને તમને પ્રસારિત કરવામાં આવી છે. અમારો હેતુ માત્ર માહિતી પૂરી પાડવાનો છે. GSTV આની પુષ્ટિ નથી કરતું. તેના માટે કોઈ નિષ્ણાતનું માર્ગદર્શન લેવું.