મંગળવારે કરો આ 5 ઉપાય, લગ્નજીવન બનશે સુખી

મંગળવારને હનુમાનજીનો દિવસ માનવામાં આવે છે.  એવું કહેવાય છે કે જો હનુમાનજી કોઈ પર પ્રસન્ન થાય છે તો તેની કુંડળીમાં મંગલ દોષ નથી હોતો. જો કોઈ વ્યક્તિની કુંડળીમાં મંગલ દોષ હોય તો તેણે મંગળવારે આ 5 ઉપાય કરવા જોઈએ.

મંગળવારના ઉપાયો

1. લાલ કિતાબમાં કહેવામાં આવ્યું છે કે મંગળવારના દિવસે ગોળને રોટલીમાં લપેટીને ગાયને ખવડાવવાથી માંગલિક દોષ દૂર થાય છે.  લાલ કિતાબ અનુસાર આ ઉપાય કરવાથી દાંપત્ય જીવનમાં મધુરતા આવે છે. આ ઉપરાંત કાર્યક્ષેત્રમાં પણ પ્રગતિ થાય. તેમજ મંગળવારે વાંદરાઓને અનાજ ખવડાવવાથી કુંડળીમાં મંગલ દોષનો પ્રભાવ ઓછો થાય છે.

2. લાલ કિતાબ અનુસાર મંગળવારે હનુમાનજીનું વ્રત રાખો.  તે પછી નજીકના હનુમાન મંદિરમાં જઈને હનુમાનજીને સિંદૂર, ચમેલીનું તેલ અને ગુલાબની માળા અર્પણ કરો. ભગવાનને ચણા અને ગોળ પણ ચઢાવો અને પછી તેને ગરીબોને ખવડાવો. આવું 11 મંગળવાર સુધી કરો.  આમ કરવાથી કુંડળીમાં મંગલ દોષની અસર દૂર થઈ જાય છે.

3. લાલ કિતાબ કહે છે કે 11 મંગળવાર સાંજે સૌથી પહેલા લીમડાના ઝાડને જળ ચઢાવો અને પછી ચમેલીના તેલનો દીવો કરો.  આમ કરવાથી મંગલ દોષ તો દૂર થાય જ છે પરંતુ તેનાથી આર્થિક લાભ પણ થાય છે.

4. લાલ કિતાબ અનુસાર મંગળવારે હનુમાનજીને લાલ કપડું, લાલ ફૂલ અને લાલ ફળ અર્પણ કરવાથી હનુમાનજી પ્રસન્ન થઈ જાય છે અને ભક્તોની તમામ મનોકામનાઓ પૂર્ણ કરે છે. આ ઉપાય કર્યા પછી ભક્ત જે પણ માંગે છે તે ચોક્કસ મળે છે. એટલું જ નહીં આ ઉપાય કરવાથી કુંડળીમાં મંગળ પણ બળવાન બને છે.

5. જો તમારી કુંડળીમાં મંગલ દોષ હોય તો મંગળવારે તમારી આંખોમાં સફેદ કે કાળો સૂરમા લગાવો. લાલ કિતાબ અનુસાર મંગળવારના દિવસે સફેદ કે કાળો સૂરમા લગાવવાથી મંગલ દોષ ઓછો થાય છે અને પ્રગતિ પણ થાય છે.

નોંધ:-   આ લેખમાં આપવામાં આવેલી તમામ માહિતી વિવિધ સ્રોતો જેવા કે - પંચાંગો/ ઉપદેશો/ ધાર્મિક માન્યતાઓ/જ્યોતિષીઓ/ શાસ્ત્રોમાંથી સંકલિત કરવામાં આવી છે અને તમને પ્રસારિત કરવામાં આવી છે. અમારો હેતુ માત્ર માહિતી પૂરી પાડવાનો છે. GSTV આની પુષ્ટિ નથી કરતું. તેના માટે કોઈ નિષ્ણાતનું માર્ગદર્શન લેવું.