સપ્ટેમ્બરની શરૂઆતમાં જ બનશે લાભ દ્રષ્ટિ રાજયોગ, આ રાશિના જાતકો માટે ખુલશે પ્રગતિના દ્વાર!
છેલ્લું અપડેટ : 30 Aug 2026
જ્યોતિષશાસ્ત્રમાં ગ્રહોના પરસ્પર કોણીય સંબંધને બહુ પ્રભાવશાળી માનવામાં આવે છે. દ્રિક પંચાગ પ્રમાણે, 1 સપ્ટેમ્બર 2026, મંગળવારે સાંજથી બુદ્ધિ તેમજ વેપારના કારક બુધ દેવ અને સાહસ તેમજ ઊર્જાના કારક મંગળ દેવ એકબીજાથી 60 ડિગ્રીએ સ્થિર થશે. જ્યારે બે ગ્રહ એકબીજાથી ત્રીજા અને અગિયારમા ભાવમાં હોય, તો ત્રિ-એકાદશ યોગ કે લાભ યોગ કહેવામાં આવે છે.
મંગળનું પરાક્રમ અને બુધની તીક્ષ્ણ બુદ્ધિ જ્યારે આ લાભ યોગના માધ્યમથી એકસાથે મળે છે, તો કેટલીક રાશિઓ માટે તાત્કાલિક નિર્ણય લેવાની ક્ષમતા, વેપારમાં સફળતા અને અચાનક ધનલાભ થવાના રસ્તા ખૂલી જાય છે. આવો જાણીએ 1 સપ્ટેમ્બરથી બની રહેલા ત્રિ-એકાદશ લાભ યોગથી કઈ રાશિની કિસ્મત બદલાશે.
મેષ રાશિ
મેષ રાશિના સ્વામી મંગળ દેવ છે. બુધ સાથે બની રહેલો લાભ યોગ તમારા પરાક્રમ અને આવકના સ્ત્રોતમાં વધારો કરશે. ક્યાંય પૈસા અટવાયેલા હશે, તો પાછા મળવાની શક્યતા વધારે છે. વેપારમાં જોખમ ભરેલા નિર્ણયો તમારા પક્ષમાં પરિણામ આપશે.
મિથુન રાશિ
મિથુન રાશિના સ્વામી બુધ દેવ છે. આ ત્રિ-એકાદશ યોગનો સૌથી અનુકૂળ પ્રભાવ તમારા કરિયર પર પડશે. કાર્યસ્થળે તમારા વિચારો અને વ્યૂહનીતિના વખાણ થશે. ધારી હશે તેવી પદોન્નતિના યોગ બની રહ્યા છે. માર્કેટિંગ, લેખન, મીડિયા અને આઇટી સેક્ટર સાથે જોડાયેલા લોકોને મોટો આર્થિક ફાયદો થવાની શક્યતા છે.
સિંહ રાશિ
સિંહ રાશિના જાતકો માટે આ લાભ યોગ તમારા સાહસ અને નેટવર્કના બળે તમને મોટી સફળતા અપાવશે. બિઝનેસમાં નવા અને મોટા ક્લાયન્ટ્સ જોડાઈ શકે છે. વિદેશ સાથે જોડાયેલા વેપાર કરનારા લોકોને મોટો ફાયદો થઈ શકે છે. પરિવાર અને નાના ભાઈ-બહેનોનું સંપૂર્ણ સમર્થન મળશે, જેનાથી અટકેલા પ્રોપર્ટી સાથે જોડાયેલા કામ પૂરા થશે.
તુલા રાશિ
તુલા રાશિના જાતકો માટે બુધ અને મંગળની આ સ્થિતિ અગિયારમા ભાવમાં (આવકનો ભાવ) અને નવી તક આપશે. શેર માર્કેટ, રોકાણ કે તેની સાથે જોડાયેલી યોજનાઓથી ધાર્યા કરતાં વધુ પૈસા મળશે. સમાજમાં તમારી શાખ વધશે અને નવા પ્રભાવશાળી લોકોનો સંપર્ક થશે અને ભવિષ્યમાં કામ આવશે.
ત્રિ-એકાદશ યોગના શુભ પ્રભાવ વધારવાના ઉપાય
મંગળવારના દિવસે હનુમાનજીને સિંદૂર ચડાવવું અને બુધવારે ભગવાન ગણેશજીને દૂર્વા અર્પણ કરવી
ઓમ બું બુધાય નમઃ અને ઓ અં અંગારકાય નમઃ મંત્રનો નિયમપૂર્વક જાપ કરવો
મંગળવારે લાલ મસૂરની દાળ અને બુધવારે લીલી મગની દાળનું ગરીબોમાં દાન કરવું.
નોંધ: આ સમાચારમાં આપવામાં આવેલી માહિતી ધાર્મિક માન્યતાઓ અને લોકવાયકાઓ પર આધારિત છે, જેનો ઉદ્દેશ્ય માત્ર માહિતી પહોંચાડવાનો છે. 'GSTV' આ વાતોની સત્યતા કે તર્કસંગતતાની પુષ્ટિ કરતું નથી. વાચકોએ કોઈપણ નિર્ણય લેતા પહેલા સંબંધિત વિષયના નિષ્ણાત અથવા શાસ્ત્રજ્ઞની સલાહ લેવી હિતાવહ છે.