Olympic 2024 / પીવી સિંધુનું મેડલ તરફ વધુ એક પગલું, એસ્ટોનિયન શટલર સામે એકતરફી મેચ જીતી

ભારતીય બેડમિન્ટન સ્ટાર અને બે વખતની ઓલિમ્પિક મેડલ વિજેતા પીવી સિંધુ પેરિસ ઓલિમ્પિકમાં મહિલા સિંગલ્સની બીજી મેચ પણ જીતી લીધી છે છે. ભારતીય દિગ્ગજ ખેલાડીએ એસ્ટોનિયાના ક્રિસ્ટિન કુબા સામે એકતરફી જીત મેળવી છે છે. પ્રથમ મેચમાં પીવી સિંધુએ માલદીવની ફથીમથ નબાહ અબ્દુલ રઝાકને એકતરફી મેચમાં હરાવી હતી. હવે તે બીજી ગ્રુપ મેચમાં પણ જીતનો સિલસિલો જાળવી રાખ્યો છે અને મેડલ તરફ વધુ એક પગલું ભર્યું છે. 

પીવી સિંધુએ પ્રી-ક્વાર્ટર ફાઈનલમાં જગ્યા બનાવી

પીવી સિંધુએ પેરિસ ઓલિમ્પિક 2024માં બેડમિન્ટન મહિલા સિંગલ્સની પ્રી-ક્વાર્ટર ફાઈનલમાં એસ્ટોનિયન ખેલાડી કુબા ક્રિસ્ટિનને સતત બે સેટમાં 21-5 અને 21-10થી હરાવીને પોતાની જગ્યા બનાવી લીધી છે. આ મેચ 34 મિનિટ સુધી ચાલી હતી. સિંધુએ પહેલી ગેમ 14 મિનિટમાં અને બીજી ગેમ 19 મિનિટમાં જીતી હતી. હવે સિંધુ માટે આગળનો રસ્તો મુશ્કેલ બની જશે. નોકઆઉટમાં એક પણ હાર બહારનો રસ્તો બતાવી શકે છે.

પીવી સિંધુની પહેલો મેચ

પેરિસ ઓલિમ્પિકમાં મહિલા સિંગલ્સમાં ગ્રુપ Mમાં રાખવામાં આવેલી ભારતીય અનુભવી બેડમિન્ટન ખેલાડી પીવી સિંધુએ જીત સાથે શરૂઆત કરી હતી. પ્રથમ મેચમાં માલદીવની ફથીમથ નબાહ અબ્દુલ રઝાકનો 21-9, 21-6થી પરાજય થયો હતો. આ મેચમાં પીવી સિંધુએ માત્ર 27 મિનિટમાં જીત મેળવી હતી. ક્રિસ્ટિન કુબાએ પણ પ્રથમ ગ્રુપ મેચમાં અબ્દુલ રઝાક સામે જીત મેળવી હતી. તેણે આ મેચ 21-7 અને 21-9થી જીતી હતી.