Olympics 2024 Day 2 / પીએમ મોદીએ લોકોને એથ્લેટ્સને સપોર્ટ કરવાની કરી અપીલ, કહ્યું- 'આપણા ખેલાડીઓને...'

ફ્રાન્સની રાજધાની પેરિસમાં 26મી જુલાઈથી એક શાનદાર અને ઐતિહાસિક ઓપનિંગ સેરેમની સાથે ઓલિમ્પિક ગેમ્સનો પ્રારંભ થયો છે. ૨૭ જુલાઈએ મહિલાઓની 10 મીટર એર પિસ્તોલ શૂટિંગમાં મનુ ભાકરે ફાઈનલમાં જગ્યા બનાવીને મેડલની આશા વધારી દીધી છે. જ્યારે બેડમિન્ટનમાં લક્ષ્ય સેને સિંગલ્સમાં અને  સાત્વિક-ચિરાગની જોડીએ મેન્સ ડબલ્સમાં પ્રથમ મેચ જીતીને બીજા રાઉન્ડમાં જગ્યા બનાવી લીધી છે.

હરમીત દેસાઈએ ટેબલ ટેનિસમાં વિજય સાથે શરૂઆત કરી હતી. આ સિવાય ભારતની હોકી ટીમે પણ જીત સાથે શરૂઆત કરી છે. પ્રથમ દિવસે ભારત કોઈ મેડલ જીતી શક્યું નથી, પરંતુ ભારતીય એથ્લેટ્સ બીજા દિવસે ચમકવાનો પ્રયાસ કરશે. 

આવી સ્થિતિમાં વડાપ્રધાન મોદીએ તેમના માસિક રેડિયો શો 'મન કી બાત' દ્વારા રાષ્ટ્રને સંબોધિત કરતા કહ્યું કે, "પેરિસ ઓલિમ્પિકે સમગ્ર વિશ્વને કબજે કર્યું છે. આ રમતો આપણા ખેલાડીઓને દેશને ગૌરવ અપાવવા અને આંતરરાષ્ટ્રીય મંચ પર આપણો ત્રિરંગો લહેરાવવાની તક પૂરી પાડે છે. હું તમને તેમને સમર્થન આપવા વિનંતી કરું છું. ભારત માટે ઉત્સાહ વધારવો."