Paris Olympics 2024 / આજે ભારતને મળી શકે છે 3 'ગોલ્ડ', જાણો કેવું રહેશે આખા દિવસનું શેડ્યૂલ

ગઈકાલે (28 જુલાઈ) પેરિસ ઓલિમ્પિક 2024માં ભારતને પહેલો મેડલ મળ્યો. મહિલા શૂટર મનુ ભાકરે બ્રોન્ઝ જીત્યો હતો. હવે આજે એટલે કે સોમવાર, 29 જુલાઈએ ભારતને એક કે બે નહીં પરંતુ ત્રણ ગોલ્ડ મેડલ મળી શકે છે. આમાં બે મેડલ વ્યક્તિગત ખેલાડીઓ અને એક ટીમ દ્વારા જીતી શકાય છે. શૂટિંગમાં બે વ્યક્તિગત મેડલ આવી શકે છે. બાકીની તીરંદાજીમાં એક મેડલ મળવાની આશા છે.

શૂટિંગમાં રમિતા જિંદાલ અને અર્જુન બબુતા મેડલ ટેલીમાં વધારો કરવાનો પ્રયાસ કરશે. ગઈકાલે, રમિતા વિમેન્સ 10 મીટર એર રાઈફલ ક્વોલિફિકેશન રાઉન્ડમાં પાંચમા ક્રમે રહી હતી. મેન્સ 10 મીટર એર રાઈફલ ક્વોલિફિકેશન રાઉન્ડમાં અર્જુન બબુતા સાતમા સ્થાને રહ્યો હતો. ક્વોલિફિકેશન રાઉન્ડમાંથી કુલ 8 ખેલાડીઓએ ફાઈનલમાં સ્થાન મેળવ્યું છે. રમિતા જિંદાલ બપોરે 1:00 વાગ્યે અને અર્જુન બબુતા બપોરે 3:30 વાગ્યે એક્શનમાં જોવા મળશે.

આ ઉપરાંત ધીરજ બોમ્મદેવરા, તરુણદીપ રાય અને પ્રવીણ જાધવની તીરંદાજી ટીમ પાસેથી પણ મેડલની અપેક્ષા છે. હવે એ જોવાનું રસપ્રદ રહેશે કે ભારત આજે કેટલા મેડલ મેળવે છે. શૂટિંગ અને તીરંદાજી ઉપરાંત, ભારતીય એથ્લેટ્સ અન્ય ઘણી રમતોમાં તેમની પ્રતિભાનું પ્રદર્શન કરતા જોવા મળશે.

29 જુલાઈના રોજ પેરિસ ઓલિમ્પિક્સ માટે ભારતનું શેડ્યૂલ

બેડમિન્ટન

• મહિલા ડબલ્સ ગ્રુપ C - તનિષા ક્રાસ્ટો/અશ્વિની પોનપ્પા vs નામી માત્સુયામા/ચિહારુ શિદા - બપોરે 12:50 કલાકે.
• મેન્સ સિંગલ ગ્રુપ L - લક્ષ્ય સેન vs જુલિયન કૈરાગી - સાંજે 5:30 કલાકે.

ટેબલ ટેનિસ

• મહિલા સિંગલ્સ રાઉન્ડ ઓફ 32 - મનિકા બત્રા vs પૃથિકા પાવાડે - રાત્રે 12:30 કલાકે (30 જુલાઈ).

હોકી

• મેન્સ પૂલ B - ભારત vs અર્જેન્ટીના - સાંજે 4:15 કલાકે.

તીરંદાજી

• મેન્સ ટીમ ક્વાર્ટર ફાઈનલ - ધીરજ બોમ્મદેવરા, તરુણદીપ રાય અને પ્રવીણ જાધવ - સાંજે 6:31 કલાકે.
• મેન્સ ટીમ સેમીફાઈનલ (ક્વોલિફિકેશનના આધારે) - ધીરજ બોમ્માદેવરા, તરુણદીપ રાય અને પ્રવીણ જાધવ - સાંજે 7:17 કલાકે
• મેન્સ ટીમ બ્રોન્ઝ મેડલ મેચ - (ક્વોલિફિકેશનના આધારે) - ધીરજ બોમ્માદેવરા, તરુણદીપ રાય અને પ્રવીણ જાધવ - રાત્રે 8:18 કલાકે.
• મેન્સ ટીમ ગોલ્ડ મેડલ મેચ - (ક્વોલિફિકેશનના આધારે) - ધીરજ બોમ્માદેવરા, તરુણદીપ રાય અને પ્રવીણ જાધવ - રાત્રે 8:41 કલાકે.

શૂટિંગ

• 10 મીટર એર પિસ્તોલ મિક્સ ટીમ - સરબજોત સિંહ/મનુ ભાકર અને અર્જુન ચીમા/રિધમ સાંગવાન - બપોરે 12:45 કલાકે.
• મેન્સ ટ્રેપ ક્વોલિફિકેશન - પૃથ્વીરાજ ટોંડિમન  - બપોરે 1:00 કલાકે.
• વિમેન્સ 10 મીટર એર રાઈફલ ફાઈનલ - રમિતા જિંદાલ - બપોરે 1:00 કલાકે.
• મેન્સ 10 મીટર એર રાઈફલ ફાઈનલ - અર્જુન બબુતા - બપોરે 3:30 કલાકે.