Paris Olympics : 10M એર રાઇફલ શૂટિંગમાં હરીફ ખેલાડી જેટલો જ સ્કોર, છતાં સરબજોત સિંહ ફાઇનલમાં સ્થાન ચુક્યો, જાણો કેમ થયું આવું

Paris Olympics 2024 : શનિવારે ઓલિમ્પિક ગેમ્સમાં એર રાઇફલ મિશ્રિત ટીમોની નિરાશાજનક શરૂઆત બાદ, સરબજોત સિંહ અને અર્જુન સિંહ ચીમાએ બિટ્સ અને પીસમાં સારું પ્રદર્શન કર્યું હતું પરંતુ પુરુષોની 10 મીટર એર પિસ્તોલની ફાઇનલમાં જગ્યા બનાવી શક્યા ન હતા. 

સરબજોત અને જર્મનીના રોબિન વોલ્ટરનો સ્કોર 577

સરબજોત કુલ 577ના સ્કોર સાથે ક્વોલિફિકેશનમાં નવમા સ્થાને જ્યારે અર્જુન 574ના સ્કોર સાથે 18મા સ્થાને રહ્યો. આઠમા સ્થાન સાથે ફાઇનલમાં પહોંચનાર જર્મનીના રોબિન વોલ્ટરનો પણ સ્કોર 577 હતો પરંતુ તેણે સરબજોતના 16ની સરખામણીમાં 17 સચોટ શોટ લગાવ્યા હતા. આવી સ્થિતિમાં સરબજોત ક્વોલિફાય કરવાનું ચૂકી ગયો.

પોતાના પ્રદર્શન પછી સરબજોતે કહ્યું, "આજનો દિવસ ખરાબ હતો. હું સમજી શક્યો નહીં કે આ બધું કેવી રીતે થયું. આ પ્રથમ ઓલિમ્પિક હતું, તે એક સારો અનુભવ હતો, મને ઘણું બધું શીખવા મળ્યું.” 

સરબજોતે વધુમાં કહ્યું કે, "ટેકનીકમાં હજુ પણ કેટલીક ઉણપ છે. અત્યારે પણ ઘણી વસ્તુઓ નિષ્ફળ થઈ રહી છે. હું ભારત જઈને તેને ઠીક કરીશ."

સરબજોત ચોથી શ્રેણીમાં પરફેક્ટ 100 સ્કોર  બનાવ્યા બાદ ટોચના ત્રણમાં પહોંચી ગયો હતો, પરંતુ ગતિ જાળવી રાખવામાં નિષ્ફળ રહ્યો હતો અને ફાઇનલમાં ટૂંકા અંતરથી સ્થાન ચૂકી ગયો હતો. ચીમા પણ એક સમયે ચોથા સ્થાને પહોંચી ગયા હતા પરંતુ તેઓ પણ આ લય જાળવી શક્યા ન હતા.