Paris Olympics: ભારતના લક્ષ્ય સેનની મહેનત વ્યર્થ ગઈ, બેડમિન્ટન મેચમાં પ્રથમ રાઉન્ડની જીત અમાન્ય થઈ
પેરિસ ઓલિમ્પિકમાંથી ભારત માટે મોટા સમાચાર આવ્યા છે. ભારતના લક્ષ્ય સેને રવિવારે યોજાયેલી બેડમિન્ટન મેન્સ સિંગલ્સમા
પેરિસ ઓલિમ્પિકમાંથી ભારત માટે મોટા સમાચાર આવ્યા છે. ભારતના લક્ષ્ય સેને રવિવારે યોજાયેલી બેડમિન્ટન મેન્સ સિંગલ્સમાં પ્રથમ રાઉન્ડની મેચ જીતી હતી. પરંતુ હવે તેમની જીતને અમાન્ય જાહેર કરવામાં આવી છે.
લક્ષ્ય સેને જે ખેલાડીને હરાવ્યો હતો તે ઈજાના કારણે ઓલિમ્પિકમાંથી બહાર
કારણ કે લક્ષ્ય સેને જે ખેલાડીને હરાવ્યો હતો તે ઈજાના કારણે ઓલિમ્પિક ટૂર્નામેન્ટમાંથી બહાર થઈ ગયો છે. આવી સ્થિતિમાં હવે લક્ષ્યને ફરીથી મેચ રમવી પડશે. ભારતના લક્ષ્ય સેન અને ગ્વાટેમાલાના કેવિન કોર્ડન રવિવારે ઓલિમ્પિકમાં બેડમિન્ટન મેન્સ સિંગલ ઇવેન્ટમાં ભાગ લીધો હતો. લગભગ 42 મિનિટ સુધી ચાલેલી આ મેચમાં ભારતીય શટલર લક્ષ્ય સેને કેવિનને 21-8, 22-20થી હરાવ્યો હતો.
લક્ષ્યે પહેલી ગેમ 14 મિનિટમાં 21-8થી જીતીને શાનદાર શરૂઆત કરી હતી. જોકે, કેવિને બાદમાં વાપસી કરી હતી. પરંતુ અંતે લક્ષ્યે સતત છ પોઈન્ટ મેળવીને મેચ જીતી લીધી હતી.
કેવિન કોર્ડન કોણીની ઈજાને કારણે બહાર
મળતા અહેવાલ પ્રમાણે કેવિન કોર્ડન કોણીની ઈજાને કારણે બહાર છે. તેની બાદબાકીને કારણે લક્ષ્યની જીત બરબાદ થઈ ગઈ છે. આ મેચનું પરિણામ ઓલિમ્પિકમાંથી હટાવી દેવામાં આવ્યું છે. આનો અર્થ એ થયો કે કેવિન કોર્ડન પર લક્ષ્યની જીતને ધ્યાનમાં લેવામાં આવશે નહીં. લક્ષ્યને ગ્રુપ સ્ટેજની આગામી મેચ બેલ્જિયમના જુલિયન કારાગી સામે રમવાની છે. ત્યારબાદ તે ઈન્ડોનેશિયાના જોનાથન ક્રિસ્ટી સામે રમશે. લક્ષ્ય આ ગ્રુપમાં ત્રણ મેચ રમનાર એકમાત્ર ખેલાડી હશે.
