VIDEO / પેરિસ ઓલિમ્પિકમાં ગર્લફ્રેન્ડે ગોલ્ડ મેડલ જીતતા જ બોયફ્રેન્ડે કર્યું આ કામ, આશ્ચર્યચકિત થઈ ગયા સ્ટેડિયમમાં બેઠેલા દરેક વ્યક્તિ
પેરિસ ઓલિમ્પિક 2024માં અત્યાર સુધીમાં 7 દિવસની રમતો પૂર્ણ થઈ ગઈ છે. દરેક દેશ શ
પેરિસ ઓલિમ્પિક 2024માં અત્યાર સુધીમાં 7 દિવસની રમતો પૂર્ણ થઈ ગઈ છે. દરેક દેશ શક્ય તેટલા મેડલ જીતવાનો પ્રયાસ કરી રહ્યો છે. આ વખતે ઓલિમ્પિકમાં કેટલાક વિવાદો પણ જોવા મળી રહ્યા છે. પરંતુ આ બધાની વચ્ચે ફેન્સને પ્રેમથી ભરપૂર ક્ષણ પણ જોવા મળી. આ ઓલિમ્પિક ચીની ખેલાડી માટે લેવામાં આવેલ સૌથી યાદગાર ઓલિમ્પિક બની ગયું છે. ચાલો તમને જણાવીએ આવું શા માટે થયું.
પહેલા ગોલ્ડ મેડલ અને પછી મેરેજ પ્રપોઝલ
ચીનની બેડમિન્ટન ખેલાડી હુઆંગ યાકિયોંગ પેરિસ ઓલિમ્પિકને ક્યારેય નહીં ભૂલી શકે. 2 ઓગસ્ટના રોજ, તેણે ટીમના સાથી ઝેંગ સિવેઈ સાથે મિક્સ્ડ ડબલ્સમાં ગોલ્ડ મેડલ જીત્યો. ચીનના આ ખેલાડીઓએ દક્ષિણ કોરિયાની કિમ વોન હો અને જેઓંગ ના યૂનની જોડીને હરાવ્યા હતા. આ મેચમાં ચીનની જોડી દબદબો રહ્યો હતો અને તેણે દક્ષિણ કોરિયાની જોડીને 41 મિનિટમાં 21-8, 21-11થી પરાજય આપ્યો હતો.
મિક્સ ડબલ્સની ઇવેન્ટ પૂરી થયા પછી, મેડલ સમારોહ યોજાયો, જ્યાં હુઆંગ યાકિયોંગે તેનો ગોલ્ડ મેડલ મેળવ્યો. આ તે ક્ષણ છે જેમાંથી ખેલાડીઓ થોડા દિવસો સુધી બહાર આવી શકતા નથી. હુઆંગ યાકિયોંગ પણ ખૂબ જ ખુશ હતી, ત્યારબાદ યાકિયોંગના બોયફ્રેન્ડ લિયુ યુચેને તેને પ્રપોઝ કર્યું, જેને જોઈને બધા આશ્ચર્યચકિત થઈ ગયા. યાકિયોંગના બોયફ્રેન્ડ લિયુ યુચેને એક ઘૂંટણિયે બેસીને પોતાનો પ્રેમ વ્યક્ત કર્યો અને હુઆંગ યાકિયોંગને રિંગ આપી. તમને જણાવી દઈએ કે, લિયુ યુચેન પણ બેડમિન્ટન ખેલાડી છે અને ચીન માટે રમે છે.
આવું દ્રશ્ય અગાઉ પણ પેરિસ ઓલિમ્પિકમાં જોવા મળ્યું હતું
હુઆંગ યાકિયોંગ અને લિયુ યુચેન પહેલા પણ ઓલિમ્પિકની શરૂઆતમાં આવું જ દ્રશ્ય જોવા મળ્યું હતું. ઓપનિંગ સેરેમની દરમિયાન આર્જેન્ટિનાના એક ખેલાડીએ પોતાની સાથી ખેલાડીને બધાની સામે પ્રપોઝ કર્યું હતું. આર્જેન્ટિનાના મેન્સ હેન્ડબોલ ટીમના ખેલાડી પાબ્લો સિમોનેટે આર્જેન્ટિનાની વિમેન્સ હોકી ટીમની ખેલાડી મારિયા કેમ્પોયને પ્રપોઝ કર્યું હતું. બંને ખેલાડીઓ 2015થી એકબીજાને ડેટ કરી રહ્યા હતા. ઓલિમ્પિક ગેમ્સે જ પોતાના એક્સ હેન્ડલ પર આ ખાસ ક્ષણનો વીડિયો શેર કર્યો હતો, જે ઘણો વાયરલ થયો હતો.
