Sahiyar: સૌંદર્ય સમસ્યા/ "મારી આંખની આસપાસ કાળા કુંડાળા છે તે દૂર કરવાના ઉપાય..."
છેલ્લું અપડેટ : 07 Apr 2026
- જયવિકા આશર
પ્રશ્ન:
હું ૨૭ વર્ષની મહિલા છું. મારી આંખની આસપાસ કાળા કુંડાળા છે તે દૂર કરવાના ઉપાય જણાવશો.
ખીરા અને બટાકાના રસને મિક્સ કરી કોટન પેડને તેમાં ભીંજવી. આંખ પર મૂકવું. ૧૫-૨૦ મિનિટ પછી ઠંડા પાણીમાં આંખને સાફ કરવી. આ ઉપરાંત ભરપૂર નિંદ્રા લેવી. તેમજ આંખના વ્યાયામ કરવા. સવારે ઊઘાડા પગે લીલાછમ ઘાસ પર ચાલવું. સામાન્ય રીતે લોહીમાં રક્તકણનું પ્રમાણ ઓછું હોય ત્યારે કાળા કુંડાળા થતા હોય છે. તબીબીની સલાહ લઇ બ્લડ ચેક કરાવી લેશો.
પ્રશ્ન:
હું ૨૧ વરસની યુવતી છું. નેઇલ પોલીશને કઇ રીતે સંભાળીને રખાય તેની માહિતી આપશો.
* લાકડાના ડબ્બામાં નેઇલ પોલીશ રાખવાથી જલદી ખરાબ થતું નથી.
નેલ પોલીશનું બ્રશ સુકાઇ ગયું હોય તો તેને એસીટોન અથવા નેઇલ પોલીશ રિમૂવરથી સાફ કરવું.
નેલપોલિશ સુકાઇ જાય તો નેલ પોલિશ રિમૂવર ભેળવી તેને પાતળું કરવું નહીં. રિમૂવરમાં મોજૂદ રસાયણિક તત્વ નેલ પોલિશને ખરાબ કરશે.
નેલ પોલિશ લગાડતા પહેલાં નખ ને ધોઇ-લૂછીને ક્રિમ લગાડી મસાજ કરવું. જેથી નેલ પોલિશ નખ પર વધુ દિવસ ટકી રહેશે.
પ્રશ્ન:
હું ૨૫ વરસની યુવતી છું. મારી ત્વચા તૈલીય છે. તેના માટેના ફેસપેક જણાવશો.
* કોઇ કોઇ વખત ચહેરા પર છાશ લગાડવી. છાશ ચહેરા પરના વધારાના તેલને શોષી લેશે જેથી ત્વચા ઓઇલી નહીં લાગે.
સફરજનની સ્લાઇસ ચહેરા પર મૂકવી. સફરજન ચહેરા પરના વધારાના તેલને શોષી લેશે જેથી ત્વચા ઓઇલી નહીં લાગે.
પ્રશ્ન:
હું ૨૧ વરસની યુવતી છું. મારા વાળ માટે કેવા હેરબ્રશ વાપરવા જોઇએ તેની મને યોગ્ય જાણકારી નથી. હું કોઇ પણ કાંસકા વાપરું છું. મને હેરબ્રશ વિશે યોગ્ય માહિતી આપશો.
* કાંસકા તથા હેરબ્રશ ખરીદતી વખતે એક વાતનું ધ્યાન રાખવું કે તેના દાંતા અણીદાર અથવા બહુ સખત ન હોય. નાયલોન બ્રિસલ્સવાળા બ્રશનો ઉપયોગ કરવો નહીં. વાળના પ્રકારને ધ્યાનમાં રાખી બ્રશની પસંદગી કરવી. વાળ જાડા અને સખત હોય તો અડધા નાયલોન અને અડધા કુદરતી દાંતાવાળા બ્રશનો ઉપયોગ કરવો. હળવા મુલાયમ વાળ માટે કુદરતી દાંતાવાળા બ્રશ કે કાંસકાનો ઉપયોગ કરવો.
પ્રશ્ન:
હું ૧૭ વરસની યુવતી છું.મારા નખ નબળા હોવાથી બટકી જાય છે. મારા નખને ચળકતા તથા મજબૂત કરવાના સરળ ઉપચાર જણાવશો.
* કપડાં ધોતી વખતે તથા વાસણ ઘસતી વખતે રબરના મોજા પહેરવાની આદત પાડશો.જેથી તમારા નખને હાનિ પહોંચે નહીં. ઉચ્ચગુણવત્તાનાં ક્રિમથી નખ તથા આસપાસની ત્વચા પર મસાજ કરો. આ મસાજ હાથ ઘોયા બાદ તથા સ્નાન કર્યા પછી કરવું.
નખને મજબૂત કરવા ૧૦ દિવસ સુુુધી જીલેટીન લેવું. એક ચમચો જીલેટીન થોડા પાણીમાં ભેળવી પીવું. દૂધ આથવા ફ્રૂટ જ્યૂસ સાથે દિવસમાં એક વખત પીવું.