Navratri 2024 Recipe / આજે માતા દુર્ગાના છઠ્ઠા સ્વરૂપ મા કાત્યાયનીને અર્પણ કરો આ ખાસ મીઠાઈ

નવરાત્રીના છઠ્ઠા દિવસે મા દુર્ગાના મા કાત્યાયની સ્વરૂપની પૂજા કરવામાં આવે છે. આ દિવસે લોકો માતા કાત્યાયનીને પ્રસન્ન કરવા સાચા હૃદયથી પૂજા કરે છે. આ માટે તેઓ માતા રાણીનો પાઠ કરે છે અને માતાને તેમની મનપસંદ વાનગી અર્પણ કરે છે. એવું માનવામાં આવે છે કે માતા રાણીના આ સ્વરૂપને મધ અને મધમાંથી બનાવેલી મીઠાઈ અર્પણ કરવામાં આવે છે. આ કારણે આજે અમે તમને મધમાંથી બનેલી ખીરની સરળ રેસીપી જણાવવા જઈ રહ્યા છીએ, જે તમે મા કાત્યાયનીને અર્પણ કરી શકો છો.

સામગ્રી

• દૂધ - 1 લિટર
• ચોખા - 1/4 કપ
• મધ - 1/2 કપ
• એલચી પાવડર - 1/4 ચમચી
• બદામ, પિસ્તા, કાજુ - 2-3 ચમચી
• ઘી - 1 ચમચી 

બનાવવાની રીત

• મધની ખીર બનાવવા માટે સૌથી પહેલા દૂધને ભારે તળિયાવાળા વાસણમાં ઉકાળો.
• જ્યારે દૂધ ઉકળવા લાગે, ગેસની આંચ ધીમી કરો.
• હવે તેમાં પલાળેલા ચોખા ઉમેરો અને ધીમી આંચ પર ચડવા દો.
• તમારે તેને સતત હલાવતા રહેવાનું છે, નહીં તો ચોખા વાસણના તળિયે ચોંટી જશે.
• બીજી તરફ એક પેનમાં ઘી ગરમા કરી તેમાં ડ્રાયફ્રૂટ્સ શેકી લો.
• જ્યારે ચોખા સંપૂર્ણ રીતે પાકી જાય અને દૂધ ઘટ્ટ થઈ જાય, ત્યારે તેમાં એલચી પાવડર અને ઘીમાં શેકેલા ડ્રાયફ્રૂટ્સ ઉમેરો.
• છેલ્લે તેમાં મધ ઉમેરો અને સારી રીતે મિક્સ કરો.
• ખીરમાં મધ ઉમેરતી વખતે આંચ ઓછી હોવી જોઈએ. નહીં તો તે બરાબર મિક્સ નહીં થાય અને ખીરનો સ્વાદ બગડી જશે.
• મધ મિક્સ કર્યા પછી, ખીરને ધીમી આંચ પર 5-7 મિનિટ સુધી રાંધો.
• તૈયાર છે મધની ખીર. મા કાત્યાયનીને અર્પણ કર્યા બાદ પ્રસાદ લઈ શકો છો.