VIDEO: દિલ્હી શાલીમાર બાગ વિસ્તારમાં ગેરકાયદેસર બાંધકામો અને અતિક્રમણ વિરુદ્ધ ડિમોલિશન ડ્રાઈવ 

દિલ્હીના શાલીમાર બાગ વિસ્તારમાં જિલ્લા વહીવટી તંત્ર દ્વારા ગેરકાયદેસર બાંધકામો અને અતિક્રમણ વિરુદ્ધ એક મોટી ડિમોલિશન ડ્રાઈવ ધરવામાં આવી છે. સરકારી જમીન પર કરાયેલા ગેરકાયદે કબ્જાને હટાવવા માટે આ કડક કાર્યવાહી કરવામાં આવી છે. સ્થાનિક સત્તાવાળાઓ અને પોલીસ પ્રશાસનની સંયુક્ત દેખરેખ હેઠળ સવારથી જ આ કામગીરી શરૂ કરી દેવામાં આવી હતી. આ ઝુંબેશ દરમિયાન કોઈપણ અનિચ્છનીય ઘટના કે કાયદો અને વ્યવસ્થાની સ્થિતિ ન બગડે તે માટે ઘટનાસ્થળે ચુસ્ત પોલીસ બંદોબસ્ત અને અર્ધલશ્કરી દળો તૈનાત કરવામાં આવ્યા હતા. વહીવટી તંત્રના જણાવ્યા અનુસાર જાહેર જમીન રસ્તાઓ અને ફૂટપાથ પરથી અતિક્રમણ હટાવવા માટે અગાઉથી નોટિસ આપવામાં આવી હતી.