VIDEO/ 7 કિલો સોનું, 3 કરોડ રોકડ અને 93 હથિયાર: બીજાપુરમાં 12 મહિલાઓ સહિત 25 નક્સલીઓનું સરન્ડર

ભારતને નક્સલવાદ મુક્ત (Naxal-free India) બનાવવાના અભિયાનમાં બુધવારે છત્તીસગઢના બીજાપુર (Bijapur) જિલ્લામાં એક ઐતિહાસિક સફળતા મળી છે. સુરક્ષાદળો સામે 12 મહિલાઓ સહિત કુલ 25 નક્સલીઓએ આત્મસમર્પણ (Surrender) કર્યું છે. આ આત્મસમર્પણ સાથે જ જપ્ત કરાયેલી સંપત્તિએ સૌને ચોંકાવી દીધા છે.

આ પણ વાંચો :

Chhattisgarh News: બીજાપુરમાં સુરક્ષા દળોએ 45 લાખનો ઈનામી વોન્ટેડ નક્સલી મેલારાપુ અડેલુને માર્યો ઠાર

છત્તીસગઢના બીજાપુરમાં 12 નક્સલીઓ ઠાર, અથડામણમાં 3 સૈનિકો શહીદ

ભારે માત્રામાં મુદ્દામાલ જપ્ત

બસ્તરના આઈજી પી. સુંદરરાજ (IG P. Sundarraj) ના જણાવ્યા અનુસાર, શરણાગતિ સ્વીકારનાર માઓવાદીઓ પાસેથી સુરક્ષાદળોએ નીચે મુજબની વસ્તુઓ કબજે કરી છે:

• 7 કિલો સોનું (7 kg Gold)

• ₹2.92 કરોડની રોકડ (₹2.92 Crore Cash)

• 93 હથિયારો (93 Weapons)

'મિશન 2026' નો મહત્ત્વનો પડાવ

આઈજી પી. સુંદરરાજે આ ઘટનાને નક્સલવાદ વિરોધી અભિયાનના ઇતિહાસમાં એક નિર્ણાયક વળાંક ગણાવ્યો છે. તેમણે જણાવ્યું કે, "બસ્તર વિભાગમાં હવે નક્સલી પ્રવૃત્તિઓ લગભગ સમાપ્ત થઈ ગઈ છે. અમે અમારો લક્ષ્યાંક લગભગ પૂર્ણ કરી લીધો છે અને બાકી બચેલા નક્સલીઓ માટે હવે સમય ઓછો રહ્યો છે." આ સફળતાને 'મિશન 2026' નો એક મહત્વનો હિસ્સો માનવામાં આવે છે.

હિંસા છોડી મુખ્યધારામાં પ્રવેશ 

આત્મસમર્પણ કરનારા તમામ 25 કેડરો હિંસાનો માર્ગ છોડીને સમાજની મુખ્યધારામાં (Mainstream) સામેલ થયા છે. ઇન્ટેલિજન્સ ઇનપુટ્સના (Intelligence Inputs) આધારે આ ઓપરેશન પાર પાડવામાં આવ્યું હતું. આઈજીએ વધુમાં ઉમેર્યું કે આ ઘટનાથી બાકી બચેલા નક્સલીઓ પણ પ્રેરાશે અને હથિયાર હેઠા મૂકશે.

આ પ્રસંગે તેમણે સુરક્ષાકર્મીઓ, જનપ્રતિનિધિઓ અને સ્થાનિક લોકોના સહયોગની પ્રશંસા કરી હતી અને શહીદ જવાનોને શ્રદ્ધાંજલિ અર્પી હતી.