બેંક લૂંટવા માટે ચોરોએ કર્યો ગેસ કટરનો ઉપયોગ, થયો એવો જોરદાર વિસ્ફોટકે આખી બેંક બળીને થઈ ખાખ
છેલ્લું અપડેટ : 20 Apr 2025
છત્રપતિ સંભાજીનગરના વૈજાપુર ગામમાંથી એક ચોંકાવનારો કિસ્સો સામે આવ્યો છે. અહીં ચોરો બેંકમાં ચોરી કરવાના ઇરાદે ઘૂસ્યા હતા, પરંતુ ચોરી કરવામાં સફળ થઈ શક્યા નહીં. ચોરોએ બેંકની તિજોરી તોડવા ગેસ કટરનો ઉપયોગ કર્યો, પરંતુ આ દરમિયાન સિલિન્ડરમાં વિસ્ફોટ થયો. વિસ્ફોટ એટલો જોરદાર હતો કે આજુબાજુના વિસ્તારમાં ગભરાટ ફેલાયો. વિસ્ફોટ થતાં જ ચોરો બધું મૂકીને પોતાનો જીવ બચાવવા ઉતાવળે ભાગી ગયા. આ વિસ્ફોટના કારણે બેંકમાં આગ લાગી અને તે બળીને રાખ થઈ ગઈ.
ચોરો તેમની ગાડી પણ મૂકીને ભાગ્યા
છત્રપતિ સંભાજીનગરના વૈજાપુર ગામમાં આવેલી મહારાષ્ટ્ર ગ્રામીણ બેંકની શાખામાં ચોરોએ ગેસ કટરનો ઉપયોગ કરીને ચોરી કરી હતી, જેના કારણે ગેસ સિલિન્ડર ફાટ્યો હતો અને શાખા બળીને રાખ થઈ ગઈ હતી. પ્રાપ્ત માહિતી અનુસાર, આ ઘટના આજે સવારે 3.30 કે 4 વાગ્યાની આસપાસ બની હતી. બેંકમાં વિસ્ફોટ થતાં જ આગનું મોટું વાદળ સર્જાય છે અને ચારે બાજુ આગ ફાટી નીકળે છે. આ ભયાનક દ્રશ્ય જોઈને ચોર ડરી જાય છે અને ભાગી જાય છે.
વિસ્ફોટને કારણે ચોરો ખૂબ જ ડરી ગયા છે અને ઉતાવળમાં તેઓ પોતાનું વાહન પણ ત્યાંજ મૂકીને ભાગી ગયા હતા. લૂંટ દરમિયાન વપરાયેલી કાર બેંકની બહાર પાર્ક કરેલી છે. મળતી માહિતી મુજબ, ચોરોની શોધ ચાલુ છે.
